Zahad Łukašenki ŭ dziejańni: dla słuckich pajasoŭ vybirajuć upakoŭku
Ad niadaŭniaha času ŭ mietro možna ŭbačyć cikavuju abjavu: dziaržaŭnaje abjadnańnie «Dziaržmastacpromysły» abjaviła adkryty publičny konkurs na «Stvareńnie ŭpakoŭki i (ci) pašparta anałahaŭ, kopij słuckich pajasoŭ, a taksama suvienirnaj pradukcyi «Słuckija pajasy».
Z momantu, kali Łukašenka ŭ svaim štohadovym pasłańni nacyi ŭzhadaŭ «kultavy» biełaruski pradukt, prajšło bolš za 7 miesiacaŭ. «Siońnia ŭ domie praktyčna kožnaha biełarusa jość abraz. Mnie chočacca, kab u kožnaj ikony byŭ i słucki pojas. My pačali pa maim niepasrednym daručeńni da adradžeńnia adnaho z hałoŭnych simvałaŭ Biełarusi — słuckich pajasoŭ. Hety
I voś na sajcie «Dziaržmastacpromysłaŭ» havorycca, što «Słuckija pajasy pryznany va ŭsim śviecie nacyjanalnaj relikvijaj biełaruskaha naroda jak unikalny vid ručnoha tkactva i simvał samavyznačeńnia nacyi.
Pa daručeńni kiraŭnika dziaržavy ŭ Respublicy Biełaruś pravodzicca rabota pa adradžeńni technałohii vyrabu fienomiena biełaruskaj samabytnaści — słuckich pajasoŭ."
Z 12 listapada pa 14 śniežnia luby moža dasłać svaju pracu na konkurs. Pryzavy fond konkursu — 40 miljonaŭ biełaruskich rubloŭ. 20 ź ich atrymaje pieramožca ŭ pieršaj naminacyi, pa 10 za viertykalnuju i haryzantalnuju ŭpakoŭku.
Technałohiju vyrabu ŭžo adnavili i rychtujucca da masavaha vypusku suvieniraŭ z «piersidskimi ŭzorami» dy «ćviatkom radzimy, vasilkom». Ale ŭ takim vypadku paŭstaje jašče adno pytańnie: ci budzie zadziejničany administratyŭny resurs, kab paviesić śviežavytkanyja pajasy ŭ novaj ŭpakoŭcy kala kožnaha abraza?
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju12
Kamientary