EHU zaprašaje ŭ mahistraturu

Eŭrapiejski humanitarny ŭniversytet (Vilnia, Litva) zaprašaje asobaŭ z zakončanaj vyšejšaj adukacyjaj, a taksama studentaŭ vypusknych kursaŭ biełaruskich VNU pastupać na mahisterskija prahramy EHU ŭ piaci specyjalnaściach: prava, palitalohija, filazofija, sacyjalohija dy historyja.

Eŭrapiejski humanitarny ŭniversytet (Vilnia, Litva) zaprašaje asobaŭ z zakončanaj vyšejšaj adukacyjaj, a taksama studentaŭ vypusknych kursaŭ biełaruskich VNU pastupać na mahisterskija prahramy EHU ŭ piaci specyjalnaściach: prava, palitalohija, filazofija, sacyjalohija dy historyja.

U 2007 h. universytet prymaje studentaŭ na nastupnyja mahisterskija prahramy: «Mižnarodnaje prava i eŭrapiejskaje prava», «Eŭrapiejskija daśledavańni», «Demakratyja i hramadzianskaja supolnaść», «Sacyjalnaja teoryja i palityčnaja filazofija», «Kulturnyja daśledavańni», «Achova i interpretacyja kulturnaje spadčyny» i «Paraŭnalnaja historyja krainaŭ Paŭdniova‑Ŭschodniaje Eŭropy». Termin navučańnia ŭ mahistratury — dva hady. Forma navučańnia — vočnaja, što składaćmiecca z čatyroch‑piaci dvuchtydniovych sesijaŭ u navučalnym hodzie ŭ Litvie i raboty ŭ farmacie dystancyjnaj adukacyi ŭ peryjady pamiž sesijami.

Da ŭdziełu ŭ konkursie na pastupleńnie ŭ mahistraturu EHU zaprašajucca hramadzianie, što majuć dyplom pra vyšejšuju adukacyju, vałodajuć zamiežnaj movaj (jak praviła, anhielskaj) u abjomie prahramy VNU i majuć schilnaść da navukova‑daśledčaj raboty.

U EHU taksama prymajucca student vypusknych kursaŭ biełaruskich VNU dla niefarmalnaha navučańnia ŭ mahistratury. Atrymaŭšy biełaruski dyplom pra vyšejšuju adukacyju, słuchalniki mahistratury pa prahramie niefarmalnaha navučańnia buduć pieraviedzienyja ŭ status paŭnavartasnych studentaŭ dy zaličanyja na druhi kurs mahisterskich prahram. Takim čynam, pa paśpiachovym vykanańni navučalnaha planu mahistratury ŭdzielniki hetaje prahramy atrymajuć stupień mahistra ŭ adpaviednaj halinie viedaŭ užo praz hod paśla atrymańnia dyplomu specyjalista ŭ biełaruskaj VNU.

Navučańnie hramadzianaŭ i pastajannych rezydentaŭ u Biełarusi na ŭsich mahisterskich prahramach ładzicca za košt hrantadaŭcaŭ. Na čas sesii ŭniversytet taksama zabiaśpiečvaje mahistrantaŭ miescami ŭ internacie, pakryvaje vydatki na medyčnaje strachavańnie i spryjaje ŭ atrymańni vizy ŭ Litvu.

Dakumenty spabornikaŭ prymajucca ŭ dźvie płyni ŭ elektronnym farmacie: u pieršaj płyni — da 30 červienia 2007 h., u druhoj płyni (na astatnija miescy) — da 5 vieraśnia 2007 h. ułučna. Pačatak navučalnaha hodu — 1 kastryčnika 2007 h.

Bolej detalovaja infarmacyja pra pastupleńnie na mahisterskija prahramy EHU znachodzicca na sajcie Eŭrapiejskaha humanitarnaha ŭniversytetu: http://www.ehu.lt/studies/master.

• 0
• 0
• 0
• 0
• 0
• 0
• 0
• 0