Vierahodna, što padčas papiarednich adsiedak na sutkach z klučoŭ byli zrobleny dublikaty.
16 maja ŭ Minsku byŭ zatrymany aktyvist «Maładoha frontu» Uładzimir Jaromienak. Siońnia stali viadomyja akaličnaści aryštu.
Dźviery ŭ kvateru, dzie žyvie maładafrontaviec, milicyjanty adamknuli svaim klučom.
Asudzili ž jaho za toje, što nibyta łajaŭsia na vulicy — u dvary doma. A praź niekalki hadzin śledam za Jaromienkam byŭ zatrymany i Pavieł Siarhiej. Jon paśpieŭ tolki paviedamić, što ŭ kvateru niechta sprabuje zajści. Paśla suviaź ź im abarvałasia. A Siarhieja asudzili na 5 sutak za «drobnaje chulihanstva».
Pa słovach adnaho sa znajomych hetych chłopcaŭ, heta nie pieršy padobny vypadak z hetaj kvateraj.
Paśla papiaredniaha «nalotu» maładyja ludzi nie paśpieli pamianiać zamok.
A pačałosia ŭsio 14 maja, kali na kvatery byli zatrymanyja Raman Vasiljeŭ, Źmicier Kramianiecki i Mikoła Dziamidzienka. U milicyjantaŭ, pa słovach aktyvistaŭ, taksama byli svaje klučy ad dziarej. Usie troje asudžanyja za «chulihanstva» na sutki.
Misiukievič pryhadvaje historyju, pačutuju jašče ad Źmitra Daškieviča. Adnojčy maładafrontaŭcy zanačavali na zdymnaj kvatery, jakuju vykarystoŭvali pad ofis. Daškievič pračnuŭsia ad taho, što ŭ kvateru niechta ŭvajšoŭ. Kali nieznajomiec zapaliŭ śviatło i ŭbačyŭ maładafrontaŭcaŭ, to ŭciok.
Miarkujučy ž pa ŭpeŭnienych ruchach mužčyny ŭ ciomnym pakoi, jon byŭ u kvatery nie pieršy raz.
Jakim čynam klučy ad kvatery maładafrontaŭcaŭ akazalisia ŭ milicyjantaŭ? Na dumku Juljana Misiukieviča, milicyjanty mahli ich padrabić, a mahli naŭprost paprasić u haspadaroŭ zdymnaj kvatery ŭ miežach «supracoŭnictva».
Vierahodna, što padčas papiarednich adsiedak na sutkach z klučoŭ byli zrobleny dublikaty.
U asudžanych zabirajuć rečy, jakija jany majuć pry sabie.
Nahadajem, što padčas adsiedki na sutach u hramadskaj aktyvistki Nasty Šulejka z kvatery źnikli noŭtbuk, dyktafon i fłeš-kartki. Pa jaje słovach, klučy ŭ jaje zabirali ŭ pastarunku. I ličyć, što zajści da jaje ŭ kvateru biez uzłomu mahli tolki pradstaŭniki śpiecsłužbaŭ, bo haspadar znachodzicca za miažoj.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary