«Meta bajkotu parłamienckich vybaraŭ — pierachod da bajkotu režymu»
Arhanizatary bajkotu parłamienckich vybaraŭ ličać jaho krokam da bajkotu ŭsiaho biełaruskaha režymu. Ab hetym zajaviŭ sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski.
«My pierakananyja, što ludziej znoŭ buduć zahaniać, jak bydła, na vybarčyja ŭčastki. Pieršaje, što moža zrabić luby sumlenny hramadzianin Biełarusi, — skazać „nie“ hetamu prymusu, hvałtu i piersanalnym učynkam pieramahčy siońniašni režym.
My prapanujem bajkot jak minimalny supraciŭ biełaruskim uładam.Meta kampanii bajkotu vybaraŭ — pierachod ad ahulnanacyjanalnaha bajkotu vybaraŭ da ahulnanacyjanalnaha bajkotu režymu», — zajaviŭ Rymašeŭski.
Pavodle jaho słoŭ, pradstaŭnikam apazicyi treba pracavać nie tolki z tymi, chto «jašče nibyta nie viedaje pra falsifikacyi na vybarach».
«My siońnia majem bolš za 50 adsotkaŭ hramadzian, jakija vystupajuć suprać dziejučaj ułady, bolš za 40 adsotkaŭ ludziej, jakija viedajuć, što vybary — niesapraŭdnyja. Jany patrabujuć arhanizavanych form narodnaha pratestu.Jany patrabujuć nie tolki zajaŭ u presie, ale i dziejańniaŭ, jakija apazicyja moža im prapanavać», — ličyć Rymašeŭski.
Kamientary