18 lutaha 2007 zavieršyŭsia Berlinski mižnarodny kinafest. Hałoŭnuju ŭznaharodu atrymaŭ film “”Viasielle Tui” Van Ciańania. Na feście byli pradstaŭlenyja karciny Roberta De Nira, Haja Medyna, Iržy Miencela, Fransua Azona.
18 lutaha 2007 zavieršyŭsia Berlinski mižnarodny kinafest.
«Załatoha miadźviedzia» prysudzili karcinie «Viasielle Tui» Van Ciańania. Heta stužka raspaviadaje pra maładuju žančynu z Unutranaj Manholii, dzie mieścičy viaduć kačeŭnaje žyćcio.
«Srebny miadźviedź» — Hran-pry kinafestu dastaŭsia filmu Aryela Rotera «Inšy»
«Srebnaha miadźviedzia» za lepšuju režysuru atrymaŭ Džozef Sedar (stužka «B́jufard»).
Lepšymi aktorami pryznanyja Nina Chos («Yella») i Chulia Čavies («Inšy»).
Pryz Alfreda Baŭera dali Park Čan-Vuku za film «Ja kibarh, ale ŭsio ŭ paradku», a najlepšym muzykaj pryznany Dejvid Makienzi.
Za najlepšy aktorski skład uznaharodžany film Roberta De Nira «Iłžyvaje spakušeńnie» — pra vypusknika Jielskaha ŭniversytetu, zaverbavanaha amerykanskaju vyviedkaj. U karcinie syhrali Met Dejman, Andželina Džoli i sam Robert De Nira.
Pra kryminalna-palityčnyja intryhi paślavajennaha Berlinu zrabiŭ film Styven Soderberh («Dobry niemiec»). A Klint Istvud pradstaviŭ pa-za konkursam svaje «Listy ź Ivadzimy».
Vialikuju cikavaść presy vyklikała niamaja stužka Haja Medyna «Klajmiony mozh». Kanadzki avanhardyst pradstaviŭ siurealistyčnuju historyju pra sirotak, amaładžalny eliksir i detektyva-transvestytku.
Majstar trahikamedyi Iržy Miencel pakazaŭ karcinu «Ja absłuhoŭvaŭ anhielskaha karala» pra pryhody českaha aficyjanta. Film atrymaŭ premiju «FIPRESI»
A na zakryćci kinafestu była pakazanaja karcina Fransua Azona «Anioł».
Fatahrafii ŭziatyja z sajtaŭ Berlinale, Film.ru
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś1
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary