Kubinskaja kamunistyčnaja partyja dy parłamient lehalizujuć adnapołavyja sajuzy.
Inicyjataram revalucyjnych źmien prava i palityki źjaŭlajecca dačka prezidenta Raula Kastra. Na Kubie adnapołavaja para atrymaje prava spadkajemstva. Heta nie buduć sužonstvy, jak u Ispanii, i pary nie mohuć usynaŭlać dziaciej. Ale i tak heta revalucyjnaja źmiena.
Bo Fidel Kastra niekalki dziesiacihodździaŭ pieraśledavaŭ homaseksualistaŭ i leśbijanak u takoj ža stupieni, jak ideałajahičnych vorahaŭ dyktatury, śviataroŭ i katolikaŭ. Ad 1963 h. jon sadžaŭ ich u kancłahiery. Naprykancy 80ch kancłahiery byli likvidavanyja, ale palicyja nadalej pieraśledavała hiejaŭ. Kamunistyčny režym zackavaŭ mnohich tvorčych ludziej, miž inšym słavutaha piśmieńnika Rajnalda Arenasa, jakoha pasadzili ŭ turmu, katavali, prymušali da pakajańnia. U vyniku jon źbieh za miažu.
Dva hady tamu Fidel Kastra publična pryznaŭsia, što pieraśled leśbijanak i hiejaŭ byŭ pamyłkaj, jakuju revalucyja abaviazana vypravić.
Kamientary