«U adnym ź ich prosta adna fraza: «Abdymaju ciabie, moža, choć heta jany prapuściać».
«U adnym ź ich prosta adna fraza: «Abdymaju ciabie, moža, choć heta jany prapuściać». U druhim jon piša: «Prosta zhubiŭ nadzieju, navat advakataŭ pazbavili, całkam adrezali ad vas. Ale navat na hetym nie spyniacca».Mianie vielmi pałochajuć hetyja słovy. Niezrazumieła, na čym jašče tam «nie spyniacca» i što ź im tam adbyvajecca», — zajaviła Chalip.
Pavodle jaje słoŭ, u liście Sańnikaŭ paviedamlaje, što nie moža pisać kazki dla syna,
bo aścierahajecca, što jany taksama nie dojduć.«Jon taksama napisaŭ, što adpraŭlaŭ mamie paštoŭku da dnia naradžeńnia, ale tryvožycca, što i paštoŭka moža nie dajści, i prosić mianie pavinšavać mamu ad jaho imia, — raspaviała žurnalistka. — Dzień naradžeńnia ŭ Ały Uładzimiraŭny byŭ u subotu. Atrymany siońnia list datavany 13 studzienia. Jon dajšoŭ, a adpraŭlenaj zahadzia paštoŭki ŭsio jašče niama».
Nie pryjšoŭ pakul i adkaz na zvarot maci Sańnikava ŭ departamient vykanańnia pakarańnia MUS z prośbaj dać joj spatkańnie z synam.
«Na hetym tydni budziem źviartacca sa skarhaj u prakuraturu ŭ suviazi z tym, što va ŭstanoŭleny zakonam termin (na praciahu 15 dzion) adkaz na zvarot nie pryjšoŭ.Taksama pakul niama reakcyi pa pazovie, jaki advakaty padali ŭ viciebski sud na dziejańni načalnika kałonii, — paviedamiła Chalip.
— Ja razumieju, što ŭsie hetyja zvaroty — niejkaje zamknionaje koła, ale ničoha nie rabić my taksama nie možam. I ŭsia hetaja pierapiska zachoŭvajecca dla budučyni, kali, ja spadziajusia, buduć pakaranyja ŭsie tyja, chto parušaje zakon».
U kancy hetaha tydnia adzin z advakataŭ Sańnikava znoŭ pajedzie ŭ kałoniju
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary