Palitviazień Alinievič: Načalnik SIZA KDB prapanoŭvaŭ pracavać na ich chakieram
U zapiscy z-za krataŭ anarchist raspaviadaje pra katavańni i vybar.
U liście z turmy da siastry Ihar Alinievič apisaŭ ździeki za kratami.
«…Paśla Płoščy pačaŭsia masavy pres. U SIZA nahnali karnikaŭ u maskach. Pastajanna raŭli, rehularnyja šmony. Heta dušyła volu.
Paśla Novaha hoda źbili trojčy za niepadparadkavańnie źnievažalnym zahadam.
Inicyjataram hetaj «tvorčaści» staŭ načalnik SIZA KDB Arłoŭ, — miarkuje palitviazień Alinievič.— Zabrali TB. Paśla viarnuli, ale
krucili pieradačy pra ŭsialakuju mistyku, čačencaŭ, žydamasonskuju zmovu i inšaje. Heta mocna cisnuła na psichiku, ale hladzieć — abaviazkova.Advakataŭ nie puskali da kanca śledstva. Bližej da lutaha [2011] pačałosia ŭzmacnieńnie žorstkaści.
Prymušali hołym stajać na padłozie, biez mety prysiadać, niekatorych kłali prosta tvaram.Ale samaje žorstkaje — bieh z rečami i matracam pa kalidorach i leśvicach. Ja ŭ vyniku plunuŭ i admoviŭsia: vyrašyŭ «uskrycca», kab pajechać u balničku. Ale načalnik «prachavaŭ» usio, bo ŭ ich
u kamierach videanazirańnie i [sočać] psichołahi, jakija rehulujuć uzrovień cisku na čałavieka.U vyniku samyja žorstkija katavańni źniali, a da sakavika i zusim admianili.
Ale ŭsio pieražyŭ narmalna. Čas baviŭ za čytańniem encykłapiedyi pa psichałohii, navučańniem malavańniu pa dapamožniku, hulniami ŭ šachmaty i damino, fizuchaj.
Jašče zimoj ja viedaŭ, čym usio skončycca, i navat źmiryŭsia. Na sudzie bolš byŭ rady mahčymaści ŭbačyć baćkoŭ, siabroŭ i, kaniečnie, svaich tavaryšaŭ, jakija ducham nie pali. A taksama pahladzieć u vočy tym bajaźliŭcam i zdradnikam, jakija mianie siudy pasadzili.
Kali źjazdžaŭ na Vaładarku, načalnik SIZA pryjšoŭ u kamieru. Havaryŭ pra niespraviadlivy prysud i prapanoŭvaŭ zastacca ŭ ich na pryvilejavanych umovach chakieram pracavać.Abiacali noŭtbuk. Paśla, kali admoviŭsia, prapanoŭvali ŭ piersanał absłuhi pajści. Tannyja mietady.
…Ty viedaješ, usia hetaja situacyja z pratestami, aryštami, palitzekami i padobnaje dabrotna ŭpłyvaje na socyum.
Ludzi pačali znajomicca ŭ izalatarach, padčas pratestaŭ, pry abmierkavańni akcyi i pry salidarnaści z palitviaźniami.Letnija pratesty źjavilisia z samoha narodu — apazicyja da ich nie maje dačynieńnia. Leta — tolki repietycyja. Bolš bujnyja padziei napieradzie.
Samaje hałoŭnaje, kab ty nie dumała, što ja tut pakutuju. Zrazumiej, u mianie sumleńnie čystaje.Zmahaŭsia za praŭdu śmieła, trymaŭ adkaz prystojna. Mianie lubiać i pavažajuć. Tak što
na dušy lohka i radasna, a asabisty dośvied i karysnyja znajomstvy ŭzbahacilisia, napeŭna. Zastałosia prajści tolki vyprabavańnie časam.Jano adkinie ŭsio lišniaje i niepatrebnaje, i ja vyjdu zusim cełasnym čałaviekam».
* * *
Ihar Alinievič asudžany na 8 hadoŭ kałonii ŭzmocnienaha režymu. Jaho abvinavacili ŭ arhanizacyi šerahu akcyj u 2009—2010: antymilitarysckaha šeścia pad Minabarony, napadzie na kazino «Šanhry Ła», padpale dźviarej filijała «Biełarusbanka», napadzie na pasolstva Rasii ŭ Minsku, napadzie na izalatar na Akreścina. Vinavatym siabie nie pryznaŭ. Da aryštu pracavaŭ kampjutarnikam. Napisać jamu možna na adras: 211440 Viciebskaja vobł., h. Navapołack, vuł. Techničnaja, 8, PK № 10.
Kamientary