Hazu da adkazu: «Hazpram» zabiraje «Biełtranshaz», atrymaje ad jaho 330 młn prybytku ŭ 2012-m

Siońnia ŭ Maskvie na vielmi teatralnym pasiadžeńni kiraŭnikoŭ Biełarusi i Rasii ŭ ramkach tak zvanaj «vyšejšaj dziaržaŭnaj rady sajuznaj dziaržavy» buduć padpisany hłabalnyja hazavyja pahadnieńni. Kiraŭnik «Hazprama» Alaksiej Miler učora vykazaŭsia pra heta z cyničnaj prostaściu: «Zaŭtra sto adsotkaŭ zabiarem «Biełtranshaz». Hetaje vykazvańnie cytuje ahienctva «Interfaks».

Biełaruś całkam addaść svaje hazapravody pad kantrol vytvorcy hazu — rasijskaha dziaržaŭnaha manapalista «Hazprama». Ukraina i Litva, niahledziačy na šantaž Maskvy, mocna praciviacca hetamu.

Alaksandr Łukašenka i Dźmitryj Miadźviedzieŭ padpišuć pakiet pahadnieńniaŭ ab prodažy «Biełtranshaza» i cenach na błakitnaje paliva.

Ekśpiert, znajomy z detalami kantrakta, paviedamiŭ rasijskich krynicam, što ŭ 2012 hodzie «Hazpram» budzie pastaŭlać haz «Biełtranshazu», jaki ŭžo stanie jaho 100-pracentnaj «dačkoj», za $ 165,6 za tysiaču kubamietraŭ suprać siaredniehadovaha koštu dla 2011 hoda ŭ $ 270.

Uzhodnieny pamier nadbaŭki «Biełtranshaza» składzie $ 15 za tysiaču kubamietraŭ.

Z ulikam čakanaha impartu hazu ŭ 2012 hodzie ŭ abjomie 22 młrd kubamietraŭ (jon uzraście až na 10%), prybytak «Hazprama» ad pastavak hazu ŭ Biełaruś składzie $ 330 młn.

Unutranaja hurtovaja cana hazu ŭ Biełarusi (cana, pa jakoj «Biełtranshaz» budzie pradavać abłhazam) z ulikam PDV składzie, takim čynam, 217 dalaraŭ za kub.

* * *

U pieršym kvartale 2012 hoda Biełaruś budzie płacić za rasijski haz pa 164 dalary za tysiaču kubamietraŭ [zaraz płacić 244 dalary]. Ab hetym zajaviŭ prem'jer-ministr RF Uładzimir Pucin 25 listapada.

«Pry siaredniaj canie kala 400 dalaraŭ dla Jeŭropy Biełaruś budzie płacić u pieršym kvartale 164 dalara za tysiaču kuboŭ.

Heta surjoznaja źnižka, jakaja daść mahčymaść pakinuć u biełaruskaj ekanomicy nie mienš za 2 miljardaŭ dalaraŭ»,

Pavodle jaho słoŭ, baki taksama damovilisia, što

«Hazpram» nabudzie va ŭłasnaść 100% akcyj AAT «Biełtranshaz» (ciapier rasijskaja kampanija vałodaje 50% akcyj).

Na roŭnadachodnyja z Rasijaj cany na rasijski haz Biełaruś vyjdzie da 2014 hoda, paviedamiŭ Pucin. «Biełaruś atrymaje tak zvanuju intehracyjnuju źnižku, i na praciahu niekalkich hadoŭ vyjdzie na roŭnadachodnyja ceny da 2014 hoda», — skazaŭ rasijski premjer.

Jon paćvierdziŭ, što adpaviednyja dakumienty ŭ halinie hazavaha supracoŭnictva buduć padpisany siońnia (sustreča Dźmitryja Miadźviedzieva i Alaksandra Łukašenki prachodzić u ciapierašni čas u padmaskoŭnaj rezidencyi Horki).

«Heta vielmi važnaje pytańnie, jakoje ŭrehuluje našy adnosiny ź Biełaruśsiu na hady napierad i daść mahčymaść zabiaśpiečyć biezumoŭny tranzit praź biełaruskuju terytoryju našych enierhanośbitaŭ spažyŭcam u Zachodniaj Jeŭropie», — padkreśliŭ Pucin.

Akramia taho, paviedamiŭ jon, Rasija daje Biełarusi kredyt na budaŭnictva AES. «My damovilisia, i siońnia buduć padpisany adpaviednyja dakumienty ab pradastaŭleńni Biełarusi rasijskaha kredytu

ŭ abjomie da 10 miljardaŭ dalaraŭ z vykarystańniem hetaha kredytu na praciahu 10 hadoŭ i z pahašeńniem na praciahu 15 hadoŭ», — zajaviŭ Pucin

• 0
• 0
• 0
• 0
• 0
• 0
• 0
• 0