U Biełarusi pačaŭ dziejničać zakon «Ab supraćdziejańni ekstremizmu». Jak novy zakanadaŭčy akt moža adbicca na pavodzinach biełaruskich palitykaŭ za miažoj?
U Biełarusi pačaŭ dziejničać zakon «Ab supraćdziejańni ekstremizmu». Jak novy zakanadaŭčy akt moža adbicca na pavodzinach biełaruskich palitykaŭ za miažoj?
Akramia novaha zakonu ŭłady ŭnieśli źmieny i dadatki ŭ niekatoryja inšyja zakanadaŭčyja akty, jakija tyčacca «ŭzmacnieńnia adkaznaści za dziejańni suprać čałavieka i hramadzkaj biaśpieki». Ciapier jany niepasredna zakranajuć i pavodziny biełaruskich hramadzianaŭ za miažoj. Pra heta zajaŭlaje staršynia KDB Ściapan Sucharenka:
Sucharenka: «Lidery apazycyjnych palityzavanych arhanizacyjaŭ Biełarusi nieadnarazova deklaravali svaje paŭnamoctvy ad imia biełaruskaha narodu z trybunaŭ mižnarodnych forumaŭ (ABSE, Rady Eŭropy), niezakonna prysvojvajučy sabie paŭnamoctvy aficyjnych pradstaŭnikoŭ. Jany śviadoma davodziać da mižnarodnaj supolnaści naŭmysna chłuślivuju infarmacyju ab palityčnych pracesach u Biełarusi. Hałoŭnaja meta takich zajaŭ – schileńnie palityčnych kołaŭ zachodnich dziaržavaŭ da žorstkich zachadaŭ suprać kiraŭnictva našaj krainy, uviadzieńnia ekanamičnych dy palityčnych sankcyjaŭ, a taksama stvareńnia pieradumovaŭ da ŭmiašańnia va ŭnutranyja spravy respubliki».
Apazycyjny lider Alaksandr Milinkievič havoryć, što novyja zakony nia źmieniać jaho pavodziny za miažoj, i karektavać svaje vystupy jon nie źbirajecca:
Milinkievič: «Ja absalutna ničoha nia budu źmianiać. Bo kali niešta źmianiać, dyk treba albo kłaścisia na pieč, albo rybu vudzić u voziery. Ja zaŭsiody vykazvajusia ad svajho imia. Nichto nia moža zabaranić čałavieku mieć tuju ci inšuju dumku. Jak zaŭždy, ja budu absalutna ščyrym, pakolki liču, što heta idzie tolki na karyść Biełarusi. Asabliva ŭ kantaktach u zamiežžy, pakolki ludzi tam majuć nadzvyčaj mała infarmacyi ab Biełarusi. A pra toje, što biełaruskija ŭłady prydumlajuć novy zakon skažu: heta – ad strachu, usio ž jany bajacca».
Pravaabaronca, juryst Valancin Stefanovič nahadvaje, što ŭžo letaś dziejničała pałažeńnie ab tak zvanaj «dyskredytacyi krainy» ŭ Kryminalnym kodeksie. Mienavita z hetaj nahody prakuratura vyniesła papiaredžańni Alaksandru Milinkieviču i Irynie Chalip. Ciapier sytuacyja, na jahonuju dumku, jašče pahoršycca.
Stefanovič: «Naturalna, jany ž adsočvajuć usiu hetuju infarmacyju praz ambasady, ministerstva zamiežnych spraŭ. Ja asabista nieadnarazova z hetym sutykaŭsia, kali vystupaŭ na štohadovych kanferencyjach ABSE pa čałaviečamu vymiareńniu, jakija prachodziać u Varšavie. Tam ža prysutničaje i aficyjnaja delehacyja Biełarusi. Naturalna, usia hetaja infarmacyja adkrytaja. Ale što značyć, kali Sucharenka kaža: «Vystupajuć ad imia biełaruskaha narodu?» Heta što? Jany vychodziać za trybunu i kažuć: «Ja – pradstaŭnik biełaruskaha narodu?». Kožny ž vystupaje ad svajho imia, pradstaŭlaje siabie i vykazvaje svoj punkt hledžańnia na sytuacyju, jakaja jość u Biełarusi».
U Kryminalny kodeks uviedzienyja adpaviednyja dadatki. Za tak zvanuju naŭmysna chłuślivuju infarmacyju i dyskredytacyju Respubliki Biełaruś praduhledžvajecca pakarańnie – da šaści miesiacaŭ aryštu albo da dvuch hadoŭ pazbaŭleńnia voli.
Fota KSD
Kamientary