Kankurenty SB, BT i Kamitetu Dziaržkantrolu
Dziaržava vidavočna niekankurentazdolnaja ŭ novaj infarmacyjnaj prastory, i kali kolkaść internet-karystalnikaŭ dasiahnie peŭnaj krytyčnaj masy, to manapolija Zimoŭskich i Jakubovičaŭ na infarmacyju pachiśniecca.
Telehraf i inšyja resursy paviedamlajuć:
OON: v Biełarusi čisło polzovatielej intiernieta dostihło 3,39 młn. čiełoviek…Po dannomu pokazatielu, Biełaruś zanimajet trieťje miesto sriedi stran Vostočnoj Jevropy i SNH.
Kali ščyra, pamiatajučy ličby, jakija uletku 2005 h nazyvalisia pradstaŭnikom Biełtelekam - kala 2 miljonaŭ - mnie zachaciełasia pierapravieryć acenku AAN. Ci mahła Interniet-aŭdytoryja vyraści bolš čym na 50% za prykładna hod?
Biezumoŭna, ličby mohuć być tolki prybliznymi, bo mohuć adroźnivacca metodyki acenki kolkaści aktyŭnych interniet-karystalnikaŭ, i paraŭnoŭvać dadzienyja z roznych krynic ciažka. Tym nia mienš, acanić rost interniet-aŭdytoryi možna pa ličbach za apošnija hady (acenka Biełtelekam): http://www.bybanner.com/index.php?action=show&id=896
bolš za 1 młn - u 2003,
1.4 młn - u 2004 hodzie,
~2 młn abo bolej - u 2005.
Što datyčycca 2006 hoda, to pavodle vynikaŭ alternatyŭnaha dośledu ASMI BY, uviesnu 2006 h 33% žycharoŭ abłasnych centraŭ uva uzroście pamiž 18 i 64 karystajucca Interniet. Kali zrabić papraŭku na šerah pryčyn adchileńniaŭ (roźnica padychodaŭ, abłasnyja centry - heta nia ŭsia Biełaruś, što padletki ŭva uzroście pamiž 12 i 18, vierahodna, taksama mohuć być aktyŭnymi karystalnikami), to ličba ŭ 3.4 miljony vyhladaje całkam realnaj. Što z hetaha vynikaje? Vysnova naprošvajecca samaja banalnaja. U realnym Miensku samaj papularnaj hazetaj źjaŭlajecca Sovietskaja Biełoruśsija, a ŭ Miensku “virtualnym” (heta 38% žycharoŭ stalicy, jakia stała karystajucca Interniet) - najpapularniejšy resurs - heta TUT.baj, jaki publikuje naviny biez cenzury. Dziaržava vidavočna niekankurentazdolnaja ŭ novaj infarmacyjnaj prastory, i kali kolkaść internet-karystalnikaŭ dasiahnie peŭnaj krytyčnaj masy, to manapolija Zimoŭskich i Jakubovičaŭ na infarmacyju pachiśniecca.
Tym časam, adzin ź cikavych prykładaŭ narodnaj demakratyi “pa-internietaŭsku” - heta mahčymaje adkryćcio sajta dla vykryćcia biurakrataŭ-chabarnikaŭ. Uzoram, padobna, staŭ estonski ŭrad, jaki paśpiachova zmahajecca z karupcyjaj z dapamohaj interniet-karystalnikaŭ. Kali biełarusy zmohuć zrabić zdarovuju kankurencyju online nia tolki SB, BT, ale i Kamitetu DziaržKantrola, to praz paru hod my možam pračnucca ŭ inšaj krainie. Pracujem?
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai17
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary