Staršyniom Sajuzu biełaruskich piśmieńnikaŭ pieraabrany Aleś Paškievič
22 kastryčnika ŭ Miensku prachodziŭ 15 źjezd Sajuzu biełaruskich piśmieńnikaŭ. Hałoŭnaj zadačaj hetaha čarhovaha, spravazdačna-vybarčaha mierapryjemstva było zachavańnie piśmieńnickaj arhanizacyi paśla jaje vysialeńnia z Domu litaratara i stvareńnia praŭładnaha Sajuzu piśmieńnikaŭ Biełarusi.
22 kastryčnika ŭ Miensku prachodziŭ 15 źjezd Sajuzu biełaruskich piśmieńnikaŭ. Hałoŭnaj zadačaj hetaha čarhovaha, spravazdačna-vybarčaha mierapryjemstva było zachavańnie piśmieńnickaj arhanizacyi paśla jaje vysialeńnia z Domu litaratara i stvareńnia praŭładnaha Sajuzu piśmieńnikaŭ Biełarusi.
Balšynioj hałasoŭ delehataŭ, na pasadu staršyni Sajuzu biełaruskich piśmieńnikaŭ byŭ pieraabrany Aleś Paškievič. Źjezd pryniaŭ zajavy ŭ padtrymku haładoŭnikaŭ-pratestantaŭ i Alaksandra Kazulina dy inšych palitźniavolenych.
Staršynia SBP Aleś Paškievič tak akreśliŭ hałoŭnuju zadaču źjezdu:
(Paškievič: ) « Źjezd pavinien kansalidavać svaje vysiłki ŭ spravie pabudovy niezaležnaj, demakratyčnaj Biełarusi. U adstojvańni demakratyčnych normaŭ i pravoŭ, svabody słova i svabodnaha funkcyjanavańnia ŭ našaj dziaržavie movy tytulnaj nacyi».
Na źjeździe hučali prapanovy stvaryć u internecie dastupnuju dla ŭsich elektronnuju biblijateku apublikavanych i nieapublikavanych tvoraŭ piśmieńnikaŭ, pačać vypusk litaraturnaj hazety, arhanizoŭvać litaraturnyja śviaty, nabyć pamiaškańnie dla sajuzu.
Na źjezd Sajuzu biełaruskich piśmieńnikaŭ sabrałasia 275 delehataŭ z usich rehijonaŭ Biełarusi. Jon prachodziŭ u Mienskim mižnarodnym adukacyjnym centry. U arendzie zali Domu litarataraŭ i niekalkich inšych zalaŭ Miensku ŭłady arhanizataram admovili.
Źjezd adkryŭ starejšy siabra sajuzu, narodny paet Biełarusi Nił Hilevič:
(Hilevič: ) « Nas sabrała nieabchodnaść pierakanacca, što my razam. Pierakanacca, što my pa-raniejšamu adzinaviercy. Što nas jadnaje pamiać i zapaviet papiarednikaŭ».
Napiaredadni źjezdu mnohija siabry Rady sajuzu nie byli peŭnyja, što hetaje mierapryjemstva źbiare kvorum. Heta značyć bolš za pałovu ad 494 siabraŭ Sajuzu biełaruskich piśmieńnikaŭ. Ale jany byli pryjemna ździŭlenyja kolkaściu ŭdzielnikaŭ.
Namieśnik staršyni sajuzu Barys Piatrovič:
(Piatrovič: ) « Toje, što pieravažnaja bolšaść piśmieńnikaŭ, nie zvažajučy na materyjalnyja dy inšyja prablemy prybyli na źjezd i jon prachodzić całkam lehitymna i kvorumna – heta dla nas vielmi važna».
Udzielniki źjezdu kazali, što niekatorym siabram sajuzu nie raili brać udzieł u hetym mierapryjemstvie. I navat pahražali roznymi sankcyjami. Ale biezvynikova.
Piśmieńnik Uładzimier Arłoŭ nie chavaŭ svajho zadavalnieńnia vialikaj kolkaściu delehataŭ:
(Arłoŭ: ) « Heta, u takich umovach, mahutnaja demanstracyja adzinstva sajuzu. Užo heta jość pakaźnikam taho, što sajuz žyćciazdolny i budzie pracavać.
Ciopła vitali hościa, staršyniu Sajuzu piśmieńnikaŭ Ukrainy, deputata parlamentu Vołodymyra Javorivśkoho. Jon uznaharodziŭ hanarovymi adznakami ŭkrainskaha sajuzu Niła Hileviča, Siarhieja Zakońnikava, Hienadzia Buraŭkina, Vasila Zujonka i Ryhora Baradulina. Ukrainski hość paviedamiŭ, što biełaruskaja ambasada ŭ Kijevie admoviłasia prymać ukrainskija ordeny, jakimi prezydent Viktar Juščanka niadaŭna ŭznaharodziŭ Alesia Paškieviča, Niła Hileviča i Siarhieja Zakońnikava. Spadar Javorivśkyj paabiacaŭ sam pryvieźci hetyja ordeny ŭ Miensk.
Kamientary