Unutranyja vojski vyviaduć na ŭborku śniehu ŭsiudychody, BTRy, «Vołat» i «Tyhr»
Ministr unutranych spraŭ Ivan Kubrakoŭ daručyŭ unutranym vojskam maksimalna vykarystoŭvać ciažkuju techniku dla dapamohi ŭ prybirańni śniehu i akazańnia sadziejničańnia hramadzianam va ŭmovach składanaha nadvorja.
Takoje rašeńnie pryniata pa vynikach sielektarnaha pasiadžeńnia z kiraŭnictvam terytaryjalnych orhanaŭ unutranych spraŭ i Dziaržaŭnaj aŭtainśpiekcyi, paviedamlaje pres-słužba MUS.
Pa ŭkazańni kiraŭnika viedamstva asabisty skład DAI i padraździaleńniaŭ, zadziejničanych u zabieśpiačeńni paradku na darohach i likvidacyi nastupstvaŭ stychii, pieraviedzieny na ŭzmocnieny varyjant niasieńnia słužby. Na bazie HUDAI MUS razhornuta respublikanskaja apieratyŭna-situacyjnaja štab-kvatera, anałahičnyja štaby stvorany ŭ rehijonach. U ich skład, akramia supracoŭnikaŭ DAI, uklučany pradstaŭniki padraździaleńniaŭ milicyi hramadskaj biaśpieki i Unutranyja vojski MUS Biełarusi.
Kubrakoŭ daručyŭ kiraŭnictvu ŭnutranych vojskaŭ maksimalna vyvieści na darohi ŭsiudychody, BTRy, mašyny «Vołat», «Tyhr» i inšuju ciažkuju techniku dla dapamohi kamunalnym słužbam i hramadzianam, jakija apynulisia ŭ składanaj situacyi. Asabliva pastaŭlena zadača akazvać dapamohu ŭ prybirańni śniehu piensijanieram i vieteranam.
Taksama daručana pravieści reviziju ŭsioj najaŭnaj śpiectechniki i kancentravać jaje ŭ rasparadžeńni DAI. U MUS adznačyli, što niekatoryja ŭčastki daroh, u tym liku abłasnoha i respublikanskaha značeńnia, buduć zakryvacca dla ich rasčyščeńnia.
Akramia taho, dadziena ŭkazańnie zabiaśpiečyć prybirańnie asabistaha transpartu z dvaroŭ i abočyn; biezhaspadarčyja aŭtamabili buduć evakuavanyja.
U MUS nahadaŭ, što pry niaznačnych DTZ kiroŭcy mohuć skarystacca jeŭrapratakołam biez vykliku DAI. Kansultacyi dastupnyja pa kruhłasutačnaj haračaj linii 140.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary