U sud pieradali spravu abvinavačanych u karupcyi supracoŭnikaŭ «Biełšyny»
Hienprakuratura pieradała ŭ sud kryminalnuju spravu suprać dzieviaci supracoŭnikaŭ babrujskaha pradpryjemstva «Biełšyna», jaje daččynych struktur i inšych asob. Im vystaŭlenyja abvinavačańni ŭ atrymańni i dačy asabliva bujnych chabaraŭ, pieravyšeńni słužbovych paŭnamoctvaŭ i pasiarednictvie ŭ chabary, paviedamiła Hienieralnaja prakuratura.
Choć u paviedamleńni Hienprakuratury nie nazyvajucca kankretnyja pradpryjemstvy, ale zhadvajecca pra vytvorčaść šyn. Tamu zrazumieła, što havorka idzie pra «Biełšynu», bo heta adziny ŭ krainie vytvorca šyn. Raniejšy hiendyrektar pradpryjemstva Andrej Bunakoŭ byŭ zvolnieny ŭ 2022 hodzie za toje, što padpisaŭ niavyhadny kantrakt na pastaŭku bujnahabarytnych šyn u Rasiju pa zanižanych cenach, a ŭ lutym 2023 hoda na peŭny čas aryštoŭvaŭsia.
Pavodle viersii śledstva, arhanizavanaja hrupa pracavała ŭ Biełarusi i Rasii z kanca 2017‑ha da lipienia 2024 hoda. U jaje ŭvachodzili kiraŭniki rasijskich handlovych pradstaŭnictvaŭ «Biełšyny», kiraŭnictva samoha biełaruskaha zavoda i šerah inšych asob. Kiraŭnikom schiemy śledstva ličyć adnaho z kiraŭnikoŭ maskoŭskaj firmy, jakaja zajmałasia prodažam šyn.
Hety čałaviek nibyta prydumaŭ i kantralavaŭ schiemu: vyznačaŭ, jakim rasijskim kampanijam pradavać pradukcyju, ustanaŭlivaŭ pamier chabaru — 1% ad sumy pastavak biez PDV, raźmiarkoŭvaŭ roli ŭ hrupie i pryciahvaŭ novych udzielnikaŭ.
Pavodle Hienprakuratury, sumy chabaraŭ za patrebnyja abjomy i asartymient šyn składali ad 360 tysiač da 35,5 miljona rasijskich rubloŭ. Usiaho z 2018 pa 2024 hod, pavodle acenak śledstva, było atrymana kala 560 miljonaŭ rasijskich rubloŭ.
Andrej Bunakoŭ taksama zastajecca fihurantam spravy. Jaho abvinavačvajuć u pieravyšeńni paŭnamoctvaŭ, jakoje naniesła pradpryjemstvu asabliva bujnuju škodu. Jon arhanizavaŭ pastaŭku bolš jak 7,6 tysiačy šyn na 80,3 miljona rubloŭ pry faktyčnym sabiekošcie bolšym za 90 miljonaŭ. Maskoŭskaja struktura potym pradała hetyja šyny z nacenkaj nie mienš jak 93,7 miljona rubloŭ.
Padčas śledstva šeść abvinavačanych zaklučyli pahadnieńnie ab supracoŭnictvie, ale dvoje nie vykanali jaho ŭmovy.
Cikava, što paśla vyzvaleńnia ź SIZA Bunakoŭ paśpieŭ papracavać da śniežnia 2024 hoda kiraŭnikom kampanii «Marski terminał «Portarktyk», jakaja buduje łahistyčny chab pad Murmanskam.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary