Valve prezientavała novuju hulniavuju kansol. Ci zmoža jana kankuravać z Xbox i PlayStation?

Amierykanskaja kampanija Valve, jakaja vałodaje hulniavoj płatformaj Steam, prezientavała novuju kansol, jakaja pavinna skłaści kankurencyju Nintendo, Xbox i PlayStation, piša Bi-bi-si.

Steam Machine — heta prystaŭka, jakuju možna padklučać naŭprost da televizara, ale jaje taksama možna vykarystoŭvać jak piersanalny kampjutar

Heta novaja viersija adnajmiennaj pryłady 2014 hoda, jakaja nie zmahła prabicca na rynak, na jakim daminavali try hulniavyja hihanty.

Ceny na kansol tady pačynalisia ad 499 dołaraŭ, ale čakajecca, što novy pradukt ad Valve budzie kaštavać značna daražej.

Steam Machine pastupić u prodaž u pačatku 2026 hoda, cana na jaje pakul nie abjaŭlena. Dakładnaja data vychadu taksama pakul nie viadomaja.

Valve zapuściła Steam u 2003 hodzie; z taho času jana stała najbujniejšaj u śviecie płatformaj dla dystrybucyi kampjutarnych hulniaŭ.

Na momant napisańnia artykuła na sajcie BBC News kala 25 młn karystalnikaŭ byli anłajn ŭ Steam, a 6 młn niepasredna hulali ŭ hulni, zhodna sa statystykaj samoj płatformy.

Ci zmoža novaja kansol paŭtaryć pośpiech Steam, stanie jasna tolki paśla startu prodažaŭ u nastupnym hodzie.

Analityki raniej vykazvali sumnieńni z nahody pierśpiektyŭ Steam Machine, kali jana była zapuščana 10 hadoŭ tamu, zajaŭlajučy, što jaje cana i patencyjał mohuć pryciahnuć tolki «prasunutych karystalnikaŭ» Steam.

U videaprezientacyi Valve apisała novuju kansol jak «mahutny hulniavy PK u kampaktnym korpusie», aptymizavany dla hulniaŭ u paraŭnańni ź inšymi PK.

Valve zajaviła, što novaja Steam Machine pracuje pad kiravańniem apieracyjnaj sistemy SteamOS (na bazie Linux) i hrafičnych pracesaraŭ AMD, padtrymlivaje 4K i 60 kadraŭ u siekundu.

Adnak halinovy ekśpiert Krystafier Drynh kaža, što patencyjał novaj kansoli i jaje pryvabnaść mohuć być abmiežavanymi, i paraŭnaŭ jaje z partatyŭnaj kansollu Steam Deck, jakaja maje «prybytkovuju, ale nišavuju aŭdytoryju kala 4‑5 młn hulcoŭ».

«Bolšaść z hetych ludziej užo byli klijentami Steam, jakija chacieli brać hulni z saboj u darohu, — skazaŭ jon. — Ja dumaju, što sa Steam Machine budzie padobnaja situacyja, jana ŭ asnoŭnym budzie cikavaja entuzijastam ź liku isnujučych karystalnikaŭ Steam, jakija chočuć hulać na vialikim ekranie ŭ haścinaj».

Stratehija Valve

Pavialičyć

Valve taksama niečakana anansavała jašče adnu pryładu — VR-šlem Steam Frame, całkam biazdrotavy, aryjentavany na stryminh i jaki pracuje pa sutnaści jak kampjutar pad kiravańniem SteamOS.

Kampanija śćviardžaje, što pryłada ŭjaŭlaje saboj techničny praryŭ u halinie VR, pakolki harnitura adlustroŭvaje hrafiku najvyšejšaj jakaści tolki ŭ toj častcy ekrana, na jakuju hladzić karystalnik.

Z dapamohaj hučnych anonsaŭ novych pryład Valve spadziajecca skłaści kankurencyju najbujniejšym hulcam na rynku.

U apošnija hady Xbox, jakaja naležyć Microsoft, robić staŭku na padpisku Game Pass, usio mienš akcentujučy ŭvahu na samoj kansoli.

Brendon Satan, analityk hulniavoj industryi ŭ Midia Research, skazaŭ, što hetyja anonsy demanstrujuć «hłybokaje razumieńnie Valve taho, kudy ruchajecca rynak hulniaŭ i čaho chočuć hiejmiery».

«Z adychodam Sony i Microsoft ad ekskluziŭnych hulniaŭ dla kansolaŭ i rostam papularnaści hulniavych stryminh-servisaŭ, zaraz jak nikoli ŭdały čas dla źjaŭleńnia hibryda PK i kansoli», — skazaŭ jon Bi-bi-si.

• 2
• 0
• 0
• 1
• 0
• 0
• 0
• 0