Alaksandr Łukašenka ŭpeŭnieny, što treci błok Biełaruś moža amal całkam pabudavać sama, a nakont druhoj AES jon damaŭlajecca z Pucinym.
Biełaruskija śpiecyjalisty mohuć sami na 85‑90 pracentaŭ pabudavać treci enierhabłok Biełaruskaj atamnaj stancyi, a asnoŭnyja elemienty ŭziać u Rasii. Ab hetym zajaviŭ Alaksandr Łukašenka, pieradaje BiełTA.
Jon raspavioŭ, što z rasijskim partnioram «Rasatamam» abmiarkoŭvałasia budaŭnictva novaj atamnaj stancyi.
«Vyrašyli, što treci błok pabudujem i budziem vieści dyjałoh pa budaŭnictvie druhoj atamnaj stancyi — znoŭ ža na ŭschodzie [Biełarusi]», — skazaŭ Alaksandr Łukašenka.
Pavodle słoŭ Alaksandra Łukašenki, Uładzimir Pucin, ź jakim jon abmiarkoŭvaŭ heta pytańnie, padtrymaŭ ideju budaŭnictva treciaha enierhabłoka Biełaruskaj AES.
«My hatovy pabudavać treci błok. Nieprymańnia ŭ prezidenta [Pucina] niama absalutna — adčuvaju, viedaju jaho padtrymku. U kiraŭnika «Rasatama» absalutnaja padtrymka. Viadoma, jany ŭ hetym zacikaŭleny, — skazaŭ Łukašenka. — Tym bolš što my hatovy sami pracentaŭ na 85‑90 pabudavać hetu stancyju. Nu a inžynirynhi, reaktar — heta rasijanie. Asnoŭnyja hetyja elemienty voźmiem u Rasii, usio astatniaje my ŭmiejem rabić. Nas rasijanie navučyli pry budaŭnictvie hetaj pieršaj stancyi».
14 listapada na naradzie ab vynikach raboty BiełAES było pryniata rašeńnie budavać treci enierhabłok Biełaruskaj AES u Astraŭcy.
Paralelna z budaŭnictvam treciaha enierhabłoka na BiełAES budzie arhanizavana rabota pa daśledavańni placovak na terytoryi Mahiloŭskaj vobłaści, dzie ŭ dalejšym moža być pryniata rašeńnie ab stvareńni dadatkovych atamnych mahutnaściej, piša BiełTA.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary