Spravu biełarusa, jakoha vinavaciać u dyviersii na BAMie, budzie razhladać vajskovy sud u Čycie. Jamu pahražaje pažyćciovaje
U Hienprakuratury Rasijskaj Fiederacyi zaćvierdžana abvinavaŭčaje zaklučeńnie pa kryminalnaj spravie ŭ dačynieńni da zamiežnaha hramadzianina Siarhieja Jeramiejeva.
Jon abvinavačvajecca ŭ ździajśnieńni złačynstvaŭ, praduhledžanych č. 2 art. 205.4 KK RF (arhanizacyja terarystyčnaj supolnaści i ŭdzieł u joj), p.p. «a, v» č. 2 art. 205 KK RF (terarystyčny akt), art. 205.3 KK RF (prachodžańnie navučańnia z metaj ažyćciaŭleńnia terarystyčnaj dziejnaści), č. 3 art. 226.1 KK RF (kantrabanda vybuchovych pryład) i č. 4 art. 222.1 KK RF (niezakonnyja nabyćcio, pieradača, zbyćcio, zachoŭvańnie, pieravozka, pierasyłka abo nasieńnie vybuchovych pryład).
Zhodna ź viersijaj śledstva, biełarus «za hrašovaje ŭznaharodžańnie ŭvajšoŭ u skład terarystyčnaj supołki, stvoranaj dla vybuchaŭ na abjektach transpartnaj infrastruktury Uschodnie-Sibirskaj čyhunki z metaj uździejańnia na ŭchvaleńnie ŭładami Rasijskaj Fiederacyi rašeńnia ab spynieńni śpiecyjalnaj vajennaj apieracyi».
29 listapada 2023 h. u Paŭnočna-Mujskim tuneli i 30 listapada 2023 h. na pierahonie Pieravał — Haračy Kluč Uschodnie-Sibirskaj čyhunki (abchod Paŭnočna-Mujskaha tunelu) adbylisia vybuchi. Heta pryviało da razbureńnia vahonaŭ-cysternaŭ, uzharańnia i raźlivu paliva, paškodžańnia čyhunačnaj infrastruktury, u tym liku elemientaŭ tunelu.
Akramia taho, była parušanaja rabota transpartnaj mahistrali fiederalnaha značeńnia, zatrymanyja ciahniki. Vybuchi stvaryli niebiaśpieku dla supracoŭnikaŭ ciahnikovych bryhad i asob, što jechali ŭ ciahnikach.
Siarhieju Jeramiejevu pahražaje pazbaŭleńnie voli na termin ad 10 da 20 hadoŭ z štrafam abo pažyćciovaje źniavoleńnie.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary