U Kienii ŭspychnuli maštabnyja antyŭradavyja akcyi, prymierkavanyja da dnia hadaviny masavych pratestaŭ suprać pavyšeńnia padatkaŭ 2024 hoda.
Jak paviedamlaje Reuters sa spasyłkaj na kiraŭnika Amnesty Kenya Irunhu Choutana, padčas vystupleńniaŭ 25 červienia zahinuli jak minimum 16 čałaviek. Pavodle jaho słoŭ, hetyja danyja byli pravierany Suśvietnaj arhanizacyjaj pa kantroli za vykanańniem pravoŭ čałavieka i Nacyjanalnaj kamisijaj Kienii pa pravach čałavieka (KNCHR). «Bolšaść ź ich byli zabity palicyjaj», — skazaŭ Chouton, dadaŭšy, što jak minimum piać čałaviek byli zastrelenyja.
Na vulicy Najrobi, Mambasy, Kitenhieły, Kisii, Matuu i Ńjery ranicaj u sieradu, pavodle danych NTV, vyjšli tysiačy kienijcaŭ. Jany chacieli ŭšanavać pamiać achviar letašnich demanstracyj, padčas jakich zahinuli bolš za 60 čałaviek, a pratestoŭcy šturmavali parłamient.
U stalicy krainy Najrobi palicyja ŭžyła ślozaciečny haz i vadamioty dla padaŭleńnia pratestaŭ. U KNCHR sa svajho boku paviedamili, što pa ŭsioj krainie padčas pratestaŭ paciarpieli bolš za 400 čałaviek, siarod jakich demanstranty, supracoŭniki palicyi i žurnalisty. Pavodle ich dadzienych, zahinuli vosiem demanstrantaŭ.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary