U Mahilovie idzie śpiektakl 18+, jaki karystajecca šalonaj papularnaściu — hledačy pryjazdžajuć ź inšych haradoŭ
Mahiloŭski abłasny dramatyčny teatr pieratvaryŭ kłasičny tvor u modnuju pastanoŭku, videa ź jakoj virusiacca ŭ instahramie i tyktoku. Kvitki ludzi hatovyja pierakuplać z dapłataj u tych, chto paśpieŭ ich nabyć pieršym.
«Pikavaja dama» ŭ pastanoŭcy Ihara Kazakova — heta nie kłasičny śpiektakl pa Puškinie, a dziorzki, postmaderniscki ekśpierymient na miažy psichadramy, kitču i fiłasofskaha pank-kabare, jak jaho apisvaje teatr. Premjera adbyłasia jašče ŭ 2020 hodzie, ale cikavaść hledačoŭ tolki raście.
Hierman, hałoŭny hieroj śpiektakla, traplaje ŭ pałatu psichijatryčnaj balnicy, dzie jaho susiedziami stanoviacca Van Hoh, Brodski, Čaadajeŭ i… Brytni Śpirs. Mahiloŭski teatr prapanuje zadumacca pra epochu, zaražanuju biessensoŭnym spažyvańniem, iluzijami i ŭnutranaj pustatoj.
Scenahrafija pieratvaraje scenu ŭ prastoru pamiž realnaściu i mrojami: nieon, irža, balničnyja kojki, pražektary, pop-kultura i kłasika sutykajucca ŭ chaosie, jaki akazvajecca žachliva znajomym.
Režysura Kazakova admaŭlajecca ad liniejnaści. Jon stvaraje teatr šoku, teatr razłažeńnia vobrazaŭ. Akciory nie stolki hrajuć, kolki isnujuć na miažy emacyjnaha napružańnia.
Kaniečnie, amataram kłasičnaha teatra takaja pastanoŭka moža nie spadabacca — jak pieražyć toje, što padčas śpiektakla pavodle ramana Puškina na scenie malujuć fałas?
Ale siarod moładzi śpiektakl karystajecca šalonaj papularnaściu. Videa błohieraŭ z Mahiloŭskaha dramatyčnaha teatra źbirajuć dziasiatki tysiač prahladaŭ u sacyjalnych sietkach.
U kamientaryjach ludzi časam prosiać pierapradać im kvitki — i navat hatovyja pierapłačvać. A pryjazdžajuć na śpiektakl s paznakaj 18+ hledačy z roznych haradoŭ.
Na bližejšy pakaz «Pikavaj damy», jaki adbudziecca 20 červienia, zastałosia ŭsiaho dva kvitki ŭ roznych kutkach zali. Na pakaz 31 lipienia svabodnych miescaŭ jašče chapaje, ale bilety ŭžo taksama aktyŭna kuplajuć. Kvitki kaštujuć ad 28 za 35 rubloŭ.
Dla paraŭnańnia: 23 červienia ŭ Kupałaŭskim teatry idzie śpiektakl «Brama nieŭmiručaści», premjera jakoha adbyłasia sioleta 29 maja. Raniej na novyja śpiektakli tut kvitki treba było kuplać za niekalki miesiacaŭ. Ciapier ža na premjernuju pastanoŭku nie pradadziena amal pałova kvitkoŭ.
U Mahiloŭskim abłasnym dramatyčnym teatry prydumali i dadatkovuju fišku, jakaja vielmi padabajecca hledačam. Usim achvotnym paśla śpiektakla dazvalajuć pachadzić u dekaracyjach i zrabić fotasiesiju z uražalnym rekvizitam — hihanckimi rukami i stupniami.
Vialiki teatr Biełarusi płanuje hastroli ŭ anieksavanym Krymie
«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu
U Kupałaŭskim teatry adbyłasia pieršaja premjera siezona. Heta trahikamiedyja Dastajeŭskaha ź Niafiodavaj u hałoŭnaj roli
U Minsku prapanujuć sumiaścić šykoŭnuju viačeru sa śpiektaklem-detektyvam. Košt kvitkoŭ uražvaje
Ciapier čytajuć
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy1
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary