Vierchoŭny sud da Dnia abarony dziaciej padzialiŭsia nia vielmi aptymistyčnaj statystykaj.
U 2024 hodzie sudy pazbavili baćkoŭskich pravoŭ 3155 čałaviek — heta na 379 čałaviek bolš, čym u 2023-m. Ź ich 40,2% — žančyny, a 59,8% — mužčyny.
Siarod razhladanych spraŭ 699 tyčylisia maci, u tym liku 184 adzinokich, a 1279 — baćkoŭ. U 568 vypadkach pazbaŭlali pravoŭ adrazu abodvuch baćkoŭ.
Cikava, što bolšaść spraŭ tyčylisia adnaho dziciaci — 1667, na dvaich dziaciej było 533 vypadki, na troch — 225, na čatyroch — 79, a na piać i bolš — 42 vypadki.
Najčaściej pazbaŭlali pravoŭ baćkoŭ dziaciej va ŭzroście ad 7 da 10 hadoŭ — takich rašeńniaŭ było 1047. Dziaciej da hoda — 278, a padletkaŭ ad 15 da 17 — 663.
Ale pazbaŭleńnie baćkoŭskich pravoŭ nie zaŭsiody kančatkovaje: praz sud možna i adnavić pravy. U 2024 hodzie ŭ Biełarusi było razhledžana 206 takich spraŭ, ź ich 83 byli zadavolenyja. U vyniku svaje pravy viarnuli 92 baćki i maci.
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary