Ściapan Puciła: U čas pratestaŭ nas čatyry čałavieki ŭ redakcyi było. I dźvieście paviedamleńniaŭ na chvilinu
Stvaralnik miedyjaprajekta «Niechta» Ściapan Puciła ŭ novym vypusku TOKu raskazaŭ pra rolu prajekta ŭ pratestach 2020-ha i adkul kanał atrymaŭ aryhinał videa naviedańnia Łukašenkam Minskaha zavoda kołavych ciahačoŭ.
«Adkaznaść była vielmi vialikaja. Ci byli my hałoŭnym kaardynataram? My byli prosta na toj momant najbujniejšym infarmacyjnym kanałam. Usie telehram-kanały ad małych da vialikich davali infarmacyju pra hetyja pratesty. My ŭsie hulali ŭ adnym klučy, u adnym tonie.
Šmat chto ličyć nas kaardynataram, ale nasamreč my sami — nas čatyry čałavieki ŭ redakcyi było, dźvieście paviedamleńniaŭ na chvilinu [atrymlivali] — nie kaardynavali, nie vybudoŭvali płany «voś tut zachapić rezidencyju Łukašenki», — davodzić Ściapan Puciła adnosna roli kanała «Niechta» ŭ pratestach.
Pa słovach redaktara, supracoŭniki kanała «išli za tym, što pišuć ludzi ŭ čatach» svajho rajona ci horada, hladzieli, što pisali ludzi niepasredna ŭ ich kanał, kamunikavali ź inšymi vialikimi telehram-kanałami, a taksama z «aktyvistami z dośviedam, sa stažam, z behraŭndam, jakija vyvučali roznyja padychody mirnych akcyj, pratestaŭ u roznych krainach».
«Heta nie było tak, što my palcam u hetuju kropku tyk — i kazali: «Idzicie tudy», — davodzić Puciła i zhadvaje:
«Ja pamiataju, jak heta prapracoŭvałasia. Što voś tut niama kudy ŭciakać; što tut vialikaja placoŭka, tut składana budzie AMAPu, kali štości zdarycca, zachoplivać ludziej, i hetak dalej».
Zhadvajučy svaje pačućci na toj čas, Ściapan adznačaje, što pierałomnym momantam, paśla jakoha jon «zrazumieŭ, što Łukašenku zastałosia tydzień-dva», było naviedańnie Minskaha zavoda kołavych ciahačoŭ (MZKC):
«My atrymali hetaje videa ad supracoŭnikaŭ Biełteleradyjokampanii ŭ aryhinalnaj jakaści z aficyjnych, dziaržaŭnych kamier, jakija zdymali heta.
Mnie zdajecca, ja na toj momant byŭ u redakcyi adzin. Tamu što ŭsie stamilisia. Usie pracavali apošnija dni ŭnačy, 20 hadzin na dzień. Ja prosta hladžu — za noč pryjšło čatyry tysiačy paviedamleńniaŭ. Hladžu štości z apošniaha, i baču — MZKC. I jamu sapraŭdy kryčać «Uchadzi». I ja razumieju — nu, usio». (…)
Tady sapraŭdy byŭ pierałomny momant i dla jaho. (…) Jon aśmialeŭ tolki paśla taho, jak Pucin vykazaŭ jamu svaju padtrymku. (…) Na MZKC jon prylacieŭ na viertalocie, jon bajaŭsia pa Minsku jeździć».
Kiraŭnik Nexta trapiŭ u śpis Forbes «30 da 30»
Kiraŭnik Nexta Ściapan Puciła: Nam zdavałasia, siłaviki i čynoŭniki piarojduć na bok naroda
Ściapan Puciła: Zdajecca, Pratasievič robić navat krychu bolš, čym ad jaho patrabavałasia
Rabočyja MZKC u tvar skandavali Łukašenku «Uchadzi!». Razhubleny, jon nie zmoh avałodać situacyjaj VIDEA
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci9
Kamientary
najbolš cikava tady - raptoŭnaje ŭźniknieńnie viačorki