Ministerstva ekanomiki Biełarusi płanuje pamienšyć źmianšeńnie kantrolnaj nahruzki na biznesm i pierahledzieć padychody da adkaznaści za ekanamičnyja parušeńni. Pra heta paviedamiŭ kiraŭnik viedamstva Juryj Čabatar na forumie žančyn-pradprymalnic u Minsku 29 maja.
Novyja źmieny, jak anansavaŭ ministr, buduć nakiravanyja na spraščeńnie rehulatarnych pravił, źmiakčeńnie kantrolu z boku dziaržaŭnych orhanaŭ i stvareńnie roŭnych umoŭ dla pradprymalnikaŭ roznych maštabaŭ i halin.
U dakumiencie, jaki ciapier raspracoŭvajecca, praduhledžvajecca skaračeńnie administracyjnaj nahruzki, ličbavizacyja pracesaŭ, pašyreńnie ŭdziełu małoha i siaredniaha biznesu ŭ dziaržaŭnych zakupkach, sproščany padatkovy ŭlik i raźvićcio novych formaŭ finansavańnia — kraŭdfandynh, niebankaŭski faktarynh i inšaje. Taksama płanujecca padtrymać inavacyi i startapy.
Prajekt dakumienta chutka vyniesuć na hramadskaje abmierkavańnie.
Pry hetym adnačasova ŭ krainie iduć pracesy, skiravanyja akurat na ŭmacavańnie kantrolu za pryvatnym biznesam. Tak, niadaŭna kiraŭniki rajonnych vykanaŭčych kamitetaŭ atrymali prava ŭzhadniać pryznačeńnie kiraŭnikoŭ arhanizacyj, u tym liku pryvatnych.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim4
Kamientary