Eks-prafiesar ekanamičnaha fakulteta Maskoŭskaha ŭniviersiteta skončyŭ žyćcio samahubstvam paśla taho, jak addaŭ machlaram 650 tysiač dalaraŭ
78-hadovaha Barysa Bajaryncava raźviali pa kłasičnaj schiemie.
Były prafiesar ekanamičnaha fakulteta MDU Barys Bajaryncaŭ źvioŭ rachunki z žyćciom paśla taho, jak jaho padmanuli machlary.
Schiema padmanu była standartnaj. U pačatku maja 78-hadovamu eks-vykładčyku patelefanavali nieviadomyja, jakija pradstavilisia siłavikami. Jany pierakanali Bajaryncava pieravieści ŭsie jaho hrošy na «biaśpiečny rachunak».
Prafiesar ekanomiki spačatku pieravioŭ machlaram 400 tysiač dołaraŭ z usich svaich rachunkaŭ, a potym jašče i pradaŭ dźvie kvatery. Usiaho Bajaryncaŭ pazbaviŭsia 650 tysiač dalaraŭ.
25 maja Bajaryncaŭ pajechaŭ da siabra Juryja «adpačyć i razhruzicca». Mužčyny schadzili ŭ łaźniu. Uviečary jany razyšlisia pa roznych pakojach adpačyvać, piša Baza.
Na nastupnuju ranicu Juryj znajšoŭ u łaźni cieła prafiesara. Paźniej śledčyja vyjavili ŭ asabistych rečach Bajaryncava kopiju pastanovy ab zaviadzieńni kryminalnaj spravy pa machlarstvie.
Bajaryncaŭ byŭ doktaram navuk, jon vykładaŭ na kafiedry makraekanamičnaj palityki i stratehičnaha kiravańnia MDU.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary