Zaraz pry CT telefony treba budzie zdavać pry ŭvachodzie ŭ budynak, a nie ŭ aŭdytoryju
Navinkaj ustupnaj kampanii 2025 hoda stanie praviła, zhodna ź jakim abituryjenty pavinny buduć zdavać telefony (a taksama razumnyja hadzińniki i inšyja pryłady) nie pierad aŭdytoryjaj, jak heta było raniej, a na ŭvachodzie ŭ budynak. Svaje hadžety ŭdzielniki atrymlivajuć nazad užo paśla zdačy vyprabavańniaŭ.
Taksama jość asobnaja katehoryja vypusknikoŭ, jakoj možna budzie ŭziać z saboj smartfony na centralizavany ekzamien i centralizavanaje teściravańnie, zajaviła pradstaŭnica Ministerstva adukacyi Anžeła Kudajarava, piša «Sputnik».
Havorka idzie pra školnikaŭ, jakija chvarejuć na cukrovy dyjabiet i pavinny kantralavać uzrovień cukru ŭ kryvi. Isnuje śpis takich dziaciej, taksama majucca miedycynskija dakumienty, što paćviardžajuć najaŭnaść zachvorvańnia, i chadajnictvy ad orhanaŭ kiravańnia adukacyjaj.
— I dla takich dziaciej my asobna stvarajem umovy, kab u adpaviednaści z patrabavańniami miedycynskaha abstalavańnia sapraŭdy znachodziŭsia niepadalok mabilny telefon ź sistemaj Bluetooth. Kab svoječasova padavałasia lekavaje srodak, vioŭsia ŭlik cukru ŭ kryvi, — patłumačyła Anžeła Kudajarava.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary