Novy Papa prapanuje Vatykan jak pieramoŭnuju placoŭku pamiž Ukrainaj i Rasijaj paśla taho, jak stała vidavočna, što pieramovy ŭ Stambule nie pryviaduć da žadanaha vyniku.
Pra heta zajaviŭ dziaržaŭny sakratar Vatykana kardynał Pjetra Paralin, jaho słovy cytuje «Jeŭrapiejskaja praŭda» sa spasyłkaj na italjanskaje vydańnie La Stampa.
Paralin nazvaŭ vynik sustreč u Stambule «trahiedyjaj».
«Usio heta trahična, bo my spadziavalisia, što pačniecca praces, mahčyma pavolny, ale ź mirnym vyrašeńniem kanfliktu. A zamiest hetaha my znoŭku na pačatku», — zajaviŭ dziaržaŭny sakratar Vatykana na palach mierapryjemstva, pryśviečanaha samitu ŭ Stambule.
«Ciapier my pahladzim, što rabić dalej, ale situacyja vielmi składanaja, dramatyčnaja», — dadaŭ Paralin.
Papa maje namier, adznačyŭ jon, «u vypadku nieabchodnaści prapanavać Vatykan, Śviaty Pasad, dla praviadzieńnia niepasrednaj sustrečy pamiž dvuma bakami».
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
Nie vyvozicie, jak školniki.