Pamior biełaruski śpiavak, eks-dyrektar Biełaruskaha dziaržaŭnaha akademičnaha muzyčnaha teatra Alaksiej Isajeŭ. Infarmacyja źjaviłasia na aficyjnym sajcie teatra. Jamu było 70 hadoŭ.
Zasłužany artyst Respubliki Biełaruś Alaksiej Isajeŭ pajšoŭ z žyćcia 6 maja.
U pres-słužbie adznačyli, što Isajeva zaprasili na pracu ŭ Biełaruski muzyčny teatr u jakaści viadučaha salista ŭ 1991 hodzie. Dziakujučy mocnamu pryhožamu hołasu (u artysta byŭ liryka-dramatyčny baryton), akciorskim danym i źniešnaści, jon zdoleŭ stvaryć na scenie šerah jarkich vobrazaŭ. U ich liku nazyvajucca rolu kniazia Arłoŭskaha ŭ apierecie «Kažan» Johana Štraŭsa, Stefana ŭ Viva la mamma Haetana Daniceci, Mistera Iks, Edvina, Tasiła ŭ «Pryncesie cyrka», «Silvie», «Marycy» Imre Kalmana i šerah inšych.
Za značnyja tvorčyja dasiahnieńni ŭ 1995 hodzie Isajeŭ byŭ uhanaravany premijaj Sajuza moładzi Biełarusi. U 1997 hodzie jamu prysvoili zvańnie Zasłužanaha artysta Biełarusi. Mieŭ jon i šerah inšych dziaržaŭnych uznaharod, u tym liku miedal Francyska Skaryny.
Z 5 červienia 2001 hoda Isajeŭ byŭ pryznačany dyrektaram Muzyčnaha teatra, a ŭ pieryjad z 2004 pa 2009 hady zajmaŭ pasadu dyrektara — mastackaha kiraŭnika trupy.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary