Italjanski inžynier prydumaŭ, jak pryŭźniać Vieniecyju na 30 santymietraŭ
Vieniecyja pavolna, ale ŭpeŭniena sychodzić pad vadu: za apošniaje stahodździe horad apuściŭsia amal na 25 santymietraŭ, a ŭzrovień mora ŭ rehijonie padniaŭsia jašče na 30.
Inžynier Enter Teacini prapanavaŭ niestandartnaje rašeńnie — padniać horad, zakačvajučy salonuju vadu hłyboka pad ziamlu. Heta dało b Vieniecyi «dva ci try dziesiacihodździ pieradyški», piša Bild.
Sutnaść idei — vykarystać technałohiju, anałahičnuju toj, što prymianiajecca na poŭnačy Italii dla zachoŭvańnia hazu. Uletku, kali padziemnyja schoviščy zapaŭniajucca, ziamla krychu pryŭźnimajecca, a zimoj, pry adbory hazu, apuskajecca.
«Naša zadača — nie zdabyvać vadu, a naadvarot, zakačvać jaje nazad», — tłumačyć Teacini.
Płan praduhledžvaje śvidravańnie prykładna dziasiatka śpiecyjalnych śvidravin pa pierymietry daŭžynioj 10 kiłamietraŭ vakoł Vieniecyi. Dziakujučy hetamu ŭzrovień ziamli pavinien pastupova pavysicca. Hałoŭnaje — nie dapuścić praryvu vady na pavierchniu, u hetym dapamoža toŭsty hlinisty płast pad łahunaj.
Kab nie vyklikać padziemnych šturškoŭ, padjom Vieniecyi abmiažujuć 20—30 santymietrami. Pavodle zadumy inžyniera, horad byccam by budzie «płavać» na miakkaj padušcy z vady, u toj čas jak ziamla vakoł zastaniecca stabilnaj.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary