Načny kłub na Zybickaj zaprasiŭ vieteranaŭ vajny pakaštavać biaspłatny śviatočny set. Ich siaredni ŭzrost 99 hadoŭ
Restaran-kłub The One na Zybickaj ździviŭ haradžan niezvyčajnaj akcyjaj. Usim vieteranam, jakija pryjduć u hości, biaspłatna prapanoŭvałasia pakaštavać śviatočny set z harełkaj i saleńniami. Prapanova była ŭspryniataja kamientatarami nieadnaznačna, piša «Anłajnier».
Karystalnikam akazałasia ciažkavata ŭjavić vieteranaŭ, jakija prychodziać na Zybickuju, kab vypić čaračku ŭ honar śviata. Asabliva ŭličvajučy, što ich siaredni ŭzrost — 99 hadoŭ.
Poŭny skład «vieteranskaha» seta vyhladaje tak:
- 2 čarki kropavaj harełki;
- kavałački salonaha sała;
- ahuročki z bočki;
- kvašanaja kapusta;
- čorny chleb z kmienam;
- pučok zialonaj cybuli.
Akramia idei z setam, The One taksama paklikaŭ absalutna ŭsich achvotnych 9 maja ŭ 13.00 biaspłatna pakaštavać sałdackaj kašy.
Paźniej restaran usio ž adredahavaŭ post i źmianiŭ umovy akcyi. Ciapier set 9 maja zmoža atrymać u padarunak luby hość pry zakazie dźviuch i bolš haračych straŭ. Tym nie mienš staraja prapanova ŭžo paśpieła raźlaciecca pa internecie.
Voś jak prakamientavali hetuju historyju va ŭstanovie:
«My śpiašalisia paradavać minčukoŭ da śviata i ŭ śpiešcy ŭzhadnieńniaŭ sapraŭdy nabłytali z prapanovaj. Nam pryjemna, što błohiery tak chutka padchapili i raspaŭsiudzili našu ideju. Chutčej, čym my paśpieli ŭsio ŭśviadomić i papravić. Tym nie mienš, kali chtości ź vieteranaŭ usio ž dojdzie da nas u hości — my abiacajem z radaściu pačastavać jaho luboj stravaj całkam biaspłatna», — adkazali pradstaŭniki The One.
Biełarusam dasyłajuć paviedamleńni pra atručanuju vadu na 9 maja
U Biełarusi zastałosia kala 800 vieteranaŭ. 427 ź ich — udzielniki vajny
Vieterany niekalki dzion zmohuć biaspłatna telefanavać pa mižhoradzie. Ale nie na mabilny
«Heta niešta žudasnaje». Delehacyja čynoŭnikaŭ pryjšła pavinšavać 103-hadovaha lažačaha vieterana
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary