Prezident Francyi Emanuel Makron raskazaŭ u intervju vydańniu Paris Match, što na pachavańni Papy Franciška niekalki chvilin hutaryŭ z Trampam i zajaviŭ jamu: «Nam treba być značna bolš žorstkim z ruskimi». I, na jahonuju dumku, jamu ŭdałosia pierakanać prezidenta ZŠA.
Emanuel Makron miarkuje, što heta dapamoža nablizić mir:
«Spadziajusia, heta tak. U najbližejšyja vosiem-dziesiać dzion my ŭzmocnim cisk na Rasiju. Ja zastajusia aściarožnym, pakolki častka hetaha ŭraŭnieńnia zaležyć ad Maskvy. My pavinny być adzinyja i pierakanaŭčyja.
Ja liču, što dziakujučy hetaj sustrečy ŭ Vatykanie nam udałosia akazać zvarotny cisk na Rasiju. Heta i było pastaŭlena metaj, pakolki było b niapravilna akazvać cisk tolki na Ukrainu».
Pavodle jaho słoŭ, najbližejšyja dva tydni stanuć klučavym u sprobach dasiahnuć spynieńnia ahniu i ŭzmacnieńnia cisku.
«Dumaju, ja pierakanaŭ amierykancaŭ u mahčymaści eskałacyi pahroz i, mahčyma, sankcyj, kab prymusić rasijan pryniać hetaje spynieńnie ahniu», — dadaŭ jon.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
Ci Jeŭropa choča, kab Amieryka cisnuła? A sama Jeŭropa budzie cisnuć?
Ci čakaje, kali skončycca vajna i možna budzie praciahvać kuplać rasiejski haz?