Padčas vystupu ŭ Batumi 22 krasavika na temu taho, nakolki biełarusam biaśpiečna ciapier znachodzicca ŭ Hruzii, advakat, były kandydat u prezidenty Biełarusi Aleś Michalevič prademanstravaŭ aŭdytoryi pašpart Novaj Biełarusi i padkreśliŭ, što heta nie ŭzor, a jahony asabisty asobnik, piša «Biełsat».
Za pašpart pad numaram 321 Aleś Michalevič zapłaciŭ 97 jeŭra. Kaža, što ŭ dakumiencie jość bijamietryčnyja danyja i jon sapraŭdy zrobleny pavodle ŭsich standartaŭ ES.
U pašparcie staić kod krainy BLS. Ci pryznany jon aficyjna — juryst nie viedaje.
«Ciapier zrabić pašpart Novaj Biełarusi možna tolki ŭ Vilni, ale dumaju, dastatkova chutka budzie centr u Varšavie. Ja vielmi ŭdziačny Kabinietu, što ŭ mianie jość hety pašpart. Ja liču, što heta kruta», — zaznačaje Michalevič.
Advakat pryznaje, što pakul što pašpart nie maje praktyčnaha prymianieńnia.
Pry hetym Michalevič ličyć, što prajekt pašpartu, a taksama takija instytucyi, jak Kaardynacyjnaja Rada, Abjadnany pierachodny kabiniet, prezident-elekt — toje, što možna mocna syhrać na ruku biełarusam, kali ŭ Biełarusi zdarycca čarhovy nacyjanalny ŭzdym.
«Šmat chto vystupaŭ suprać KR, maŭlaŭ, jaje treba było abirać u 2020 hodzie, i kali my nie zrabili tady, nie treba było i pačynać. Ale my nie možam pieraskočyć niekatoryja rečy. U 2020 hodzie ŭ nas nie było na heta resursu i mahčymaściaŭ. A ciapier jość. I kali budzie čarhovy ŭzdym u Biełarusi — a jon budzie — u nas buduć adpracavanyja instytucyi, u tym liku z vydačaj pašpartoŭ. U hetym sensie my siońnia napieradzie ŭsioj płaniety, bo toje, što my zrabili z najaŭnaściu prezidenta-elekta, KR, jakaja maje choć słabieńkuju, ale lehitymnaść, toje, što ŭ nas jość Kabiniet i pašpart — heta kruta», — kaža Michalevič.
Juryst nazyvaje nabyćcio pašpartu Novaj Biełarusi svajoj «lepšaj inviestycyjaj» i zaklikaje nie abiasceńvać vysiłki biełarusaŭ pa stvareńni hetaha dakumienta.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary