U Biełarusi zaćvierdziać śpis samych vybitnych biełarusaŭ u historyi
U Biełarusi ŭ najbližejšy čas vyznačać śpis samych vydatnych asob biełaruskaj historyi, paviedamiŭ Vadzim Hihin, hienieralny dyrektar Nacyjanalnaj biblijateki Biełarusi, na STB. Pavodle jaho słoŭ, sa śpisam užo amal vyznačylisia.
Pavodle Hihina, na adnym z najbližejšych pasiadžeńniaŭ Respublikanskaj rady pa histaryčnaj palitycy budzie zaćvierdžany śpis najvybitniejšych asob Biełarusi.
— Što pryjemna, za apošni čas my praktyčna vyjšli na kampramis, heta značyć my bačym tych ludziej, jakija ŭnieśli ŭkład. Heta vialikaje dasiahnieńnie zaraz dla našaj krainy. Ja budu pieraličvać, nie zmahu spynicca, naprykład, Jeŭfrasińnia Połackaja, Kirył Turaŭski, Francysk Skaryna, Janka Kupała, Jakub Kołas, Maksim Bahdanovič, Kanstancin Zasłonaŭ, Piotr Mašeraŭ. Ja budu pieraličvać, pieraličvać i pieraličvać. Heta tyja ludzi, jakija nie toje što nie vyklikajuć supiarečnaściaŭ u roznych palityčnych hrup — jany, naadvarot, abjadnoŭvajuć biełaruskuju nacyju. I heta kałasalny ŭkład za apošni čas našaj histaryčnaj palityki, — skazaŭ Hihin.
Jon kaža, što śpis nie budzie abmiežavany niejkaj kolkaściu asob u im.
— Ja b nie braŭ 100 samych hałoŭnych, ci 150, ci 300. U nas nie pavinna być tut niejkaha farmalnaha padychodu. Voś my 100 vyznačyli, hienierał Antonaŭ nie ŭvachodzić tudy, jon 101-y, my jaho nie ŭklučyli. Nie treba tak rabić, — dadaŭ jon.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja82
Kamientary
https://d2accbiqacj5y8.cloudfront.net/365049
Da i tak Ja.Kupała vrodie kak katolik? Ili nie? Po Bahdanoviču voprosy. Skaryna (eto ot nieho moja familija tak skazať)))) voobŝie protiestant... mnoho voprosikov.....