U adnym z žoŭtych damoŭ aŭtentyčnaha rajona Minska pradajecca dvuchpakajovaja kvatera z dobrym ramontam. Ściana tut ačyščana da aryhinalnaj čyrvonaj cehły, jość i miły adkryty bałkon. Heta samaja darahaja na dadzieny momant kvatera ŭ Asmałoŭcy.
U adnym z žoŭtych dvuchpaviarchovikaŭ Asmałoŭki, što na Kisialova, 27, pradajecca kvatera na apošnim paviersie. Heta dvuchpakajoŭka ŭ 54,2 m2. Dom 1949-ha hoda pabudovy, źmiaščaje 8 kvater, piša Realt.by.
U kvatery zrobleny dobry ramont. U kuchni jość sučasny harnitur ź nieabchodnaj technikaj: ubudavany chaładzilnik, duchavaja šafa, posudamyjnaja mašyna, vyciažka, varačnaja pavierchnia.
U haścinaj ściana azdoblenaja naturalnym drevam (arech). Jašče adna ściana vyčyščanaja da histaryčnaj cehły. Cehła pakryta łakam. Pobač raźmiaściłasia abstalavanaja harderobnaja.
Ścieny ŭ spalni abklejenyja špalerami. Tam, dzie lažyć plitka, zrobleny padahreŭ padłohi. U kvatery taksama zamieniena pravodka, ustalavany kandycyjanier.
Sanvuzieł — sumieščany, ablicavany plitkaj. Tut abstalavana dušavaja.
Žamčužyna kvatery — aŭtentyčny adkryty bałkon z haścinaj.
Da Niamihi abo Płoščy Pieramohi možna dabracca pieššu. Pablizu jość kafe, chodzić hramadski transpart.
Košt kvadratnaha mietra składaje 3 598 dalaraŭ. Kvatera abyjdziecca ŭ 195 tysiač dalaraŭ.
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści8
Kamientary