Kultura55

«Biełarusaŭ faktyčna vycieśnili z ekspazicyi sučasnaj ideałohijaj»: na Bujnickim poli budujuć Muziej Słavy Mahiloŭščyny

Pad Mahilovam na terytoryi miemaryjalnaha kompleksu «Bujnickaje pole» budujuć Muziej Słavy Mahiloŭskaj vobłaści. Dach muzieja budzie ŭ formie ordena Ajčynnaj vajny, adnak pavodle kancepcyi ŭstanova budzie pryśviečana nie tolki padziejam Druhoj suśvietnaj, ale i davajennamu i paślavajennamu žyćciu rehijona, i sučasnym jaho dasiahnieńniam, piša reform.news.

Fota: sb.by

Zdymačnaja hrupa TRK «Mahiloŭ» zrabiła siužet pra chod budoŭli. Sam budynak užo staić, robicca ŭnutranaje azdableńnie.

Naprykład, ciapier mastaki afarmlajuć zały «Mahiloŭ davajenny», «Mahiloŭ u akupacyi».

U faje płanujecca rośpis, pryśviečany trom bitvam — kala vioski Lasnaja, Sułtanaŭka i na Voinskim poli. Cikavy chod — uznavić u inter‘iery tahačasnyja budynki. Naprykład, u pieršaj zale (usiaho płanujecca 16) pakažuć davajenny Mahiloŭ, a multymiedyjnaje abstalavańnie uzmocnić pahružeńnie ŭ atmaśfieru 1930-ch hadoŭ. Dziakujučy čamu naviedvalniki, da prykładu, zmohuć u virtualnaj realnaści prahulacca pa davajennym parku Horkaha. Abo, apynuŭšysia ŭ Mahilovie 1940-ha hoda, kupić bilet na sieans u kinateatr «Rodina». Efiekt apuskańnia ŭ minułaje budzie dasiahacca z dapamohaj prajekcyj i videasiužetaŭ na ścienach.

Dla budynkaŭ šukajuć sapraŭdnyja frahmienty architektury, niešta ŭznaŭlajuć pa starych fotazdymkach.

Buduć uznoŭleny frahmienty Parka Horkaha, kinateatra «Rodina», piachotnaha vučylišča, mižkrajovaj škoły NKUS/NKDB. To-bok, pavodle aficyjnaj kancepcyi, ramantyčnaja postać kursanta na łavačcy ŭ parku i budynak škoły NKUS adekvatna pieradaje atmaśfieru pieradvajennaha Mahilova.

Škoła była stvorana ŭ 1939, paśla pačatku vajny častka vykładčykaŭ i kursantaŭ była ŭklučana ŭ skład hrup, jakija farmiravalisia NKDB BSSR dla pracy ŭ tyle praciŭnika. U dalejšym takija hrupy pasłužyli jadrom partyzanskich atradaŭ, jakija dziejničali na terytoryi BSSR, kursanty škoły prymali ŭdzieł i ŭ abaronie Mahilova ŭ lipieni 1941 hoda. Vajavali jany ŭ składzie bataljona NKUS.

U 1944 pracu Mahiloŭskaj mižkrajavoj škoły NKDB SSSR uznavili, bo ź‘iaviłasia vostaja patreba ŭ kadrach dla udziełŭ ŭ čekiscka-vajskovych apieracyjach suprać antysavieckaha padpolla, jakoje razharnułasia ŭ roznych rajonach Biełarusi.

Apynucca naviedvalniki zmohuć nie tolki ŭ mirnym davajennym Mahilovie, ale i na darozie ź biežancami ŭ pačatku vajny, i navat u epicentry boju na Bujnickim poli.

Vizualizacyja Muzieja Słavy Mahiloŭskaj vobłaści. Fota: mogilev-region.gov.by

Žurnalisty paprasili adnaho ź biełaruskich historykaŭ prakamientavać siužet telekanała: 

«Uražańni tolki sumnyja. U pieršuju čarhu — vybar klučavych bitvaŭ, jakija buduć reprezientavanyja ŭ ekspazicyi. Vidavočna, što heta ideałahičny vybar na karyść «słavy» ruskaj zbroi. Biełaruski siehmient vajennaj historyi tut prosta ihnarujecca — niama mahiloŭskaha paŭstańnia 1661 hoda, bitvy na Basi, šmatlikich inšych sutyknieńniaŭ vojskaŭ VKŁ i RP z Maskoŭskaj dziaržavaj na terytoryi rehijona. Biełarusaŭ faktyčna vycieśnili z ekspazicyi sučasnaj ideałohijaj.

Sa słovaŭ supracoŭnikaŭ Mahiloŭskaha abłasnoha krajaznaŭčaha muzieja, jakija kuryrujuć prajekt, zrazumieła, što budzie adnaŭlacca atmaśfiera 1930-ch hadoŭ, i ź niejkaj pryčyny ŭ ekspazicyju ŭbudujuć frahmienty fasadaŭ budynkaŭ, jakija i tak isnujuć u žyvym vyhladzie.

Dla azdableńnia čamuści pryvieźli lištvu ź Minskaha rehijona, choć na Mahiloŭščynie, zdajecca, svaja jašče nie zakončyłasia.

Što da atmaśfiery 1930-ch hadoŭ u Mahilovie, dumaju, što było b spraviadliva adlustravać u ekspazicyi taksama i jamu kala miasakambinata, dzie NKUS ździajśniaŭ masavyja rastreły haradžan».

Kamientary5

  • Nacdem
    10.04.2025
    Kamuna budzie źniščana
  • Dzie ty, bieły?
    10.04.2025
    Niešta nie čuvać hžečnaha litvina
  • Para-Leanovič
    10.04.2025
    Nu što, mierzaluk, dapamoh tabie łukašenka ŭ spravie historyi?

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić