77 demakrataŭ-kanhresmienaŭ zapatrabavali ad Trampa zvolnić Maska da 30 maja
Hrupa demakrataŭ Pałaty pradstaŭnikoŭ zapuskaje skaardynavanuju kampaniju, kab prymusić Iłana Maska pakinuć administracyju Trampa da kanca viasny, daviedaŭsia Axios.
Pahroza zasnavana na jurydyčnym patrabavańni, zhodna ź jakim śpiecyjalnyja dziaržaŭnyja supracoŭniki — mienavita taki status maje Mask jak kiraŭnik DOGE — nie mohuć słužyć bolš za 130 dzion.
«My patrabujem nieadkładnaj publičnaj zajavy vašaj administracyi, u jakoj było b jasna skazana, što Mask sydzie ŭ adstaŭku i admovicca ad usich paŭnamoctvaŭ pryniaćcia rašeńniaŭ, jak patrabuje zakon, da 30 maja», — napisali 77 demakrataŭ u Pałacie pradstaŭnikoŭ u liście da prezidenta Trampa.
Jany napisali, što Masku budzie zabaroniena viartacca jak śpiecyjalnamu dziaržaŭnamu supracoŭniku na praciahu hoda «biez vychadu z akcyjaniernaha ŭdziełu ŭ jaho kampanijach, uklučajučy Tesla i SpaceX».
Staršynia Kanhresnaj prahresiŭnaj kaalicyi Hreh Kasar (demakrat z Techasa), jaki ŭznačaliŭ inicyjatyvu, zajaviŭ u intervju Axios, što heta tolki pieršy krok.
«My jasna dajom zrazumieć, što hramadski cisk budzie tolki ŭzmacniacca na respublikancaŭ ad hetaha času i da 30 maja», — skazaŭ jon.
Kasar adznačyŭ, što demakraty «majuć jurydyčnyja instrumienty, palityčnyja instrumienty», a taksama «ŭvieś patencyjał hramadskaha cisku».
Bieły dom moža ŭrešcie spasłacca na zapisku Administracyi dziaržaŭnaj etyki, padrychtavanuju letaś — jašče pry administracyi Bajdena — u jakoj havaryłasia, što dni pajezdak biez apłaty nie zaličvajucca ŭ miežy 130 dzion.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary