Hurt RSP siońnia vydaŭ novy albom «Bo kruhom śvinarnik, a ty prekraśniej usiech» — zajavu pra čas, ludziej i kachańnie, jakoje praciahvaje bić u hrudziach, navat kali ŭsio astatniaje razburajecca, piša KLIK.
Vonkava prosty hitarny nastroj, ale za im chavajucca cikavyja mieładyčnyja chady, raptoŭny džaz i navat epičnyja ŭdarnyja. Hučańnie alboma maksimalna žyvoje i kancertnaje. Sakret RSP — rabić byccam pa-durnomu prosta, ale na samaj spravie pradumvać kožny radok i notu. A svajoj ščyraściu jany prymudrajucca nie vyciskać sa słuchačoŭ ślozy pa minułym, a pravodzić pad ručku skroź uvieś śpiektr emocyj da vydatnaha žadańnia adtančyć usie svaje tryvohi.
Albom-chamieleon: kali na paru chvilin zabycca na biełaruskuju movu, možna słuchać hetuju muzyku jak saŭndtrek da ekšna pra składanaści žyćcia i biaskoncuju pahoniu za narmalnaściu. A kali stanie zanadta zahonna, možna znoŭ usłuchacca ŭ słovy i raspłycca va ŭśmiešcy ad takich trapiatliva idyjockich ryfmaŭ pra kachańnie.
Byli aściarohi, što styl RSP užo zžyŭ siabie ź ciaham času, ale nie, viesialicca i apiavać kachańnie, navat kali tvajo serca raźbita, — aktualna zaŭsiody.
Hetaja muzyka raskryjecca jašče lepš u farmacie kancertaŭ. A jany namiačajucca zusim chutka ŭ mnohich haradach, hladzicie na staroncy hurta. Prychodźcie, bo kali kruhom śvinarnik, chiba nie čas stać pryhožymi?
«Tramp — eta ŭchadziaščaja viešč, a kachańnie — viečnaje». Pavieł Haradnicki raspavioŭ pra novy albom RSP
«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku
«Ab čym dryžyć moj kožny kvant». Usłuchalisia ŭ pieśni rašuča biełaruskamoŭnaha alboma «Piatli prychilnaści»
Ad «Vierasoŭ» da Nizkiz i «Lapisaŭ» — źjaviŭsia novy jutub-kanał ź biełaruskim karaokie
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary