Raźviedka Hiermanii: Pandemija COVID-19 zdaryłasia praz ŭciečku ŭ KNR
Da takich vysnoŭ pryjšła hiermanskaja słužba zamiežnaj raźviedki BND jašče ŭ 2020 hodzie.
Pandemija COVID-19, pa ŭsim vidać, adbyłasia praz ŭciečku virusa SARS-CoV-2 z łabaratoryi ŭ kitajskim Uchani. Da takich vysnoŭ pryjšła hiermanskaja słužba zamiežnaj raźviedki BND jašče ŭ 2020 hodzie, piša Deutsche Welle sa spasyłkaj na Süddeutsche Zeitung i Zeit.
Adznačajecca, što praviadzieńnie rasśledavańnia ŭ hetaj suviazi było daručana śpiecsłužbie viedamstvam fiederalnaha kanclera i mienavita jano paśla zasakreciła atrymanuju infarmacyju.
Analiz BND abapirajecca na adkrytyja krynicy, asabliva na materyjał, sabrany ŭ ramkach apieracyi śpiecsłužbaŭ pad kodavaj nazvaj Saaremaa, vynikaje z publikacyj. U pryvatnaści, havorka idzie ab navukovych źviestkach z kitajskich daśledčych instytutaŭ, u tym liku Uchańskaha instytuta virusałohii.
U materyjałach utrymlivajucca nie tolki śviedčańni praviadzieńnia ryzykoŭnych ekśpierymientaŭ, padčas jakich naturalnyja virusy štučna madyfikavalisia, ale i ŭkazańni na šmatlikija parušeńni praviłaŭ biaśpieki ŭ łabaratoryjach.
Pa źviestkach žurnalistaŭ, padčas praŭleńnia Anhieły Mierkiel na pasadzie kiraŭnika ŭrada Hiermanii kiraŭnik BND Bruna Kal asabista infarmavaŭ viedamstva fiederalnaha kanclera ab apieracyjach pa rasśledavańni pachodžańnia virusa SARS-CoV-2.
Imaviernaść łabaratornaha pachodžańnia virusa aceńvałasia ŭ hetych spravazdačach jak 80-95%, pišuć Süddeutsche Zeitung i Zeit. Adnak viedamstva fiederalnaha kanclera paličyŭ za lepšaje nie razhałošvać hetu infarmacyju.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary
Vyviadoŭčaja dziejnaść ci Rasśledavacielnaja?
Z samaha pačatku była zrazumieła što virus uciok ź instytutu virusałohiii AN KNR.