Hajdukievič: Kali sabaka schadziŭ u tualet ŭ ludnym miescy, a haspadar pajšoŭ dalej — štraf minimum 500 dalaraŭ!
Deputat i były sparynh-partnior Łukašenki Aleh Hajdukievič zaklikaŭ uzmacnić zakon «Ab adkaznych adnosinach da žyvioł», jaki tolki što zapracavaŭ.
Deputat Aleh Hajdukievič ličyć, što novy zakon u cełym zbałansavany, ale dla acenki jaho niedachopaŭ patrebny čas. Adnak niekatoryja pałažeńni, na jaho dumku, patrabujuć uzmacnieńnia.
Hajdukievič prapanuje pavialičyć štrafy dla haspadaroŭ, jakija vyhulvajuć sabak biez pavadka i namordnika. Akramia taho, jon zaklikaje žorstka karać tych, chto nie prybiraje za svaimi hadavancami, piša Sputnik.
«Druhoje — abaviazkovaja ŭborka za svaimi hadavancami. Tut treba karać žorstka. Kali čałaviek nie prybiraje za svaim sabakam, treba jašče bolš uzmacniać adkaznaść.
Kali sabaka pry ŭsich schadziŭ u prybiralniu na dziciačaj placoŭcy ci ŭ ludnym miescy, a haspadar spakojna pajšoŭ dalej — štraf minimum 500 dalaraŭ. Tady my advučym parušalnikaŭ», — zajaviŭ Hajdukievič.
Taksama deputat prapanuje ŭzmacnić pakarańnie za žorstkaje abychodžańnie z žyviołami.
Z 1 studzienia ŭ Biełarusi ŭstupili ŭ siłu asobnyja pałažeńni Zakona «Ab adkaznym abychodžańni z žyviołami». Pavodle dakumienta, žyviołam-kampańjonam (za vyklučeńniem sabak-pavadyroŭ) zabaroniena zachodzić u kramy, miedycynskija i adukacyjnyja ŭstanovy, a taksama na abjekty kultury i sportu.
Padčas prezidenckich vybaraŭ, užo paśla taho, jak zakon ustupiŭ u siłu, zdaryŭsia kurjozny vypadak.
Alaksandr Łukašenka pryjšoŭ hałasavać na ŭčastak u Univiersitecie fizkultury sa svaim špicam Umkam, i sabaka pamieciŭ ścianu. Umkaŭ haspadar, tym časam, spakojna adpraviŭsia pa biuleteń.
-
Ukrainka raskazała, jak taksist-biełarus u Hdańsku pahražaŭ vyciahnuć jaje siłaj z mašyny, bo jana admoviłasia razmaŭlać pa-rusku
-
U Vaŭkavyskim rajonie znosiać najstarejšy ŭ Biełarusi cemientny zavod
-
Na kanferencyi ŭ Dublinie Śviatłana Cichanoŭskaja nahadała pra los palitviaźnia Vacłava Areški FOTAFAKT
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary