Rasija i ZŠA naŭrad ci pačnuć pieramovy pa ŭrehulavańni vajny va Ukrainie da taho, jak adnoviać paŭnavartasnuju pracu dypłamatyčnych pradstaŭnictvaŭ na terytoryi adzin adnaho. Pra heta paviedamiŭ pres-sakratar rasijskaha prezidenta Dźmitryj Piaskoŭ, pieradaje RIA «Naviny».
U Er-Ryjadzie 18 lutaha adbylisia pieršyja z pačatku vajny va Ukrainie pieramovy pamiž delehacyjami Rasii i ZŠA, jakija praciahvalisia čatyry z pałovaj hadziny. Padčas sustrečy baki abmierkavali šyroki śpiektr pytańniaŭ, u tym liku narmalizacyju dvuchbakovych adnosin i adnaŭleńnie pracy pasolstvaŭ u Maskvie i Vašynhtonie, piša RBK.
27 lutaha ŭ Stambule adbyłasia druhaja sustreča delehacyj Rasii i ZŠA, jakaja doŭžyłasia šeść z pałovaj hadzin. Ministr zamiežnych spraŭ Rasii Siarhiej Łaŭroŭ nazyvaŭ jaje asnoŭnaj temaj pracu pasolstvaŭ. Jak udakładniała aficyjnaja pradstaŭnica viedamstva Maryja Zacharava, pieramovy prachodzili «na ekśpiertnym uzroŭni».
Na sustrečach delehacyi vyznačyli pieršyja kroki da stabilizacyi pracy dypmisij, paviedamili ŭ Dziarždepartamiencie ZŠA. «Złučanyja Štaty vykazali zakłapočanaść z nahody dostupu da bankaŭskich pasłuh i kantraktnych servisaŭ, a taksama nieabchodnaść zabiaśpiečyć stabilny i ŭstojlivy kadravy skład pasolstva ZŠA ŭ Maskvie», — zajavili ŭ viedamstvie.
Juryj Ušakoŭ acaniŭ sustreču jak «niadrennuju», adznačyŭšy, što baki praviali «vielmi surjoznuju razmovu pa ŭsich pytańniach». Dziaržsakratar ZŠA Marka Rubia zajaviŭ, što metaj sustrečy ŭ Er-Ryjadzie było «vyznačyć, ci jość realnaja zacikaŭlenaść u abmierkavańni miru ci nie».
Kamientary