Śpiecpradstaŭnik ZŠA: Sankcyi suprać Rasii pracujuć «na 3 bały z 10», ich možna ŭzmacnić
Administracyja Donalda Trampa hatovaja rezka ŭzmacnić sankcyjny cisk na Rasiju, kab prymusić jaje spynić vajnu va Ukrainie, — zajaviŭ śpiecyjalny pasłańnik prezidenta ZŠA pa Rasii i Ukrainie Kit Kiełah u intervju New York Post.
Pry hetym jon znoŭ padkreśliŭ, što peŭnyja sastupki spatrebiacca i z boku Kijeva.
Kiełah acaniŭ dziejnaść sankcyj u dačynieńni da Rasii tolki na try bały ź dziesiaci. Pavodle jaho słoŭ, ekanamičny cisk na Maskvu možna značna ŭzmacnić. Jon zajaviŭ, što jość mahčymaść dla pašyreńnia niadaŭna ŭviedzienych sankcyj suprać enierhietyčnaha siektara Rasii.
Pavodle śpiecpasłańnika, prezident Tramp vielmi dobra razumieje, nakolki sankcyi źjaŭlajucca mocnym instrumientam uździejańnia. Kiełah raspavioŭ, što ŭ minuły čaćvier Tramp pravioŭ u Avalnym kabiniecie Biełaha doma naradu z udziełam klučavych pradstaŭnikoŭ administracyi, jakija zajmajucca pytańniami nacyjanalnaj biaśpieki. Na joj abmiarkoŭvali, jak možna vykarystać resursy ZŠA dla spynieńnia vajny va Ukrainie.
Pa słovach Kiełaha, nad hetym pracujuć mnohija členy administracyi, u tym liku dziaržsakratar, ministr finansaŭ, daradca pa nacyjanalnaj biaśpiecy, vice-prezident i sam Tramp.
Kiełah paćvierdziŭ, što hałoŭnym pryjarytetam Trampa źjaŭlajecca spynieńnie aktyŭnych bajavych dziejańniaŭ.
Pry hetym jon adznačyŭ, što cisk na Rasiju nie moža być tolki vajennym, bo kraina małaadčuvalnaja da strat na froncie. Jon pryvioŭ prykład Stalinhradskaj bitvy padčas Druhoj suśvietnaj vajny, kali navat strata 700 tysiač sałdat nie spyniła Čyrvonuju armiju.
Kiełah padkreśliŭ, što ŭrešcie Ukraina i Rasija pavinny damovicca ab miry, pajšoŭšy na ŭzajemnyja sastupki. Na jakija mienavita — jon nie ŭdakładniŭ. Adnak zhadaŭ prykład pasiarednickaj misii ZŠA, kali prezident Teador Ruźvielt u 1905 hodzie arhanizavaŭ u Portsmucie pieramovy pamiž Rasijaj i Japonijaj ab spynieńni vajny, paśla čaho atrymaŭ Nobieleŭskuju premiju miru.
Kamientary
...
a tramp atrymaje Nobieleŭskuju premiju miru ?
Zaraz kolki hod płanujut adryvać Rf ad Kitaja ..
Nam ..nijakich źviazaŭ sajuzaŭ ?
Svaje budavać adbudoŭvać macavać
Kaštoŭnaści kažycie a kolki $ € kaštoŭnaściej prapanoŭvajećcie ? Kanfucyj- mao a kolki vašy važat Pahadu žadajecie ? Čarnobalskaja zona padychodzit ???
Nu a u nas Zakon Prava..svaje Śviaty