Pucin dva dni tamu padpisaŭ ukaz ab praviadzieńni ŭ 2025 hodzie konkursu «Interbačańnie» ŭ piku «Jeŭrabačańniu».
Mižnarodny muzyčny konkurs «Interbačańnie» projdzie biez vyčvarenstvaŭ i ździekaŭ z pryrody čałavieka, zajaviŭ ministr zamiežnych spraŭ Rasii Siarhiej Łaŭroŭ, piša «Sputnik».
Jak paviedamlałasia, Uładzimir Pucin padpisaŭ ukaz ab praviadzieńni ŭ hetym hodzie ŭ Maskvie i Maskoŭskaj vobłaści mižnarodnaha muzyčnaha konkursu «Interbačańnie», jaki pavinien zamianić «Jeŭrabačańnie», ad jakoha adchilenyja Rasija i Biełaruś.
Pavodle słoŭ Łaŭrova, heta budzie svajho rodu ŭnikalnaja muzyčnaja ekspazicyja. «Harantuju, što tam nie budzie vyčvarenstvaŭ i ździekaŭ z pryrody čałavieka, jak my heta nazirali padčas Alimpijskich hulniaŭ u Paryžy», — skazaŭ kiraŭnik źniešniepalityčnaha viedamstva RF.
Jon adznačyŭ, što žadańnie ŭdzielničać u «Interbačańni» ŭžo vykazali bolš za dva dziasiatki krain, i konkurs daść mahčymaść usim dziaržavam-udzielnicam pakazać svaje lepšyja muzyčnyja tradycyi biez anijakaj cenzury.
Raniej konkurs «Interbačańnie» pravodziŭsia ŭ 1965—1968 i 1977—1983 hadach. U 1965—1968-m jon prachodziŭ u roznych haradach Čechasłavakii, u 1977—1983 — u polskim Sopacie. Udzieł u im brali pieradusim vykanaŭcy z krain sacyjalistyčnaha łahiera.
U 2008 hodzie ŭ Rasii ŭžo rabili sprobu adradzić hety konkurs, ale paśla jaho razavaha praviadzieńnia ŭ Sočy praciahu inicyjatyva nie atrymała.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku3
Kamientary