Nacyjanalnaje kadastravaje ahienctva apublikavała źviestki pra košt ziamli ŭ Biełarusi. Źviestki pra kadastravuju canu biełaruskich ziemlaŭ apublikavanyja ŭ časopisie Ministerstva finansaŭ «Finansy, učiet, audit», piša sajt «Pro niedvižimosť».
Aŭtary artykuła kanstatavali, što kadastravaja cana ziemlaŭ u šerahu vypadkaŭ istotna vyrasła ŭ paraŭnańni z papiaredniaj kadastravaj acenkaj, i hety trend najbolš zakranuŭ samyja darahija ziamli.
Pieršyja miescy siarod haradoŭ z najbolš darahoj ziamloj zaniali:
- Minsk (siaredni kadastravy košt — 699,4 rub. za kv. m, +48,5% da ŭzroŭniu 2019 hoda);
- Fanipal (256,9 rub., +70,5%);
- Zasłaŭje (235,1 rub., +106,6%);
- Brest (207, 01 rub., +74,7%).
Što da rajonaŭ Biełarusi z najbolš darahoj ziamloj, to tut lidary takija:
- Minski rajon (177,7 rub. za kv.m, +51,3% da ŭzroŭniu 2019 hoda);
- Smalavicki rajon (40,07 rub., +63,3%);
- Dziaržynski rajon (34,06 rub., +52,9%);
- Puchavicki (23,03 rub., +59%);
- Maładziečanski (23 rub., +34,7%).
Supracoŭniki Nacyjanalnaha kadastravaha ahienctva adznačyli, što źmianieńnie kadastravaha koštu moža być źviazana z rostam cen na rynku nieruchomaści, palapšeńniem inžyniernaj i transpartnaj infrastruktury, ulikam dadatkovych faktaraŭ acenki, udaskanaleńniem technałohii praviadzieńnia kadastravaj acenki.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary