MZS Hiermanii pra vybary ŭ Biełarusi: Heta sumny dzień dla ŭsich tych, chto prahnie svabody i demakratyi
Kiraŭnica MZS Hiermanii Analena Bierbak apublikavała zajavu nakont «vybaraŭ» u Biełarusi 26 studzienia.
«U žycharoŭ Biełarusi nie było vybaru. Heta sumny dzień dla ŭsich tych, chto prahnie svabody i demakratyi. Zamiest svabodnych i spraviadlivych vybaraŭ i žyćcia biez strachu i samavolstva, jany štodnia sutykajucca z pryhniotam, represijami i parušeńniami pravoŭ čałavieka, — napisała jana ŭ tvitary. —
Bolš za 1200 čałaviek u Biełarusi praciahvajuć niavinna siadzieć pad vartaj tolki tamu, što ŭ ich chapiła śmiełaści zajavić pra siabie. My ich nie zabyvajem. Usie palityčnyja źniavolenyja pavinny być vyzvalenyja, i žorstkim represijam pavinien być pakładzieny kaniec».
Bierbak dadała, što pavažaje mužnaść biełarusaŭ i demakratyčnaj lidarki Śviatłany Cichanoŭskaj.
«Jany pakazvajuć nam, nakolki važnaja baraćba za našu demakratyju ŭ Jeŭropie. Jeŭrapiejskaja siamja trymaje svaje dźviery adkrytymi dla Biełarusi, jakaja źjaŭlajecca demakratyčnaj i svabodnaj», — napisała jana.
Kamientary