Minskuju prybiralniu, ź jakoj chacieli zrabić rybny restaran, znoŭ vystavili na tarhi
U 2009 hodzie ŭ hetym budynku chacieli zrabić rybny restaran, ale ŭ vyniku hetyja namiery nie ździejśnilisia. U vieraśni minułaha hoda zakinuty budynak užo vystaŭlali na aŭkcyjon, tady za jaho chacieli nie mienš čym 130 800 rubloŭ. Ale achvotnych nie znajšłosia, i robicca novaja sproba.
Hramadskaja prabiralnia, jakaja mieścicca ŭ parku 40-hodździa Kastryčnika, pa adrasie vuł. Čyrvonaarmiejskaja, 34B, pabudavanaja ŭ 1986 hodzie. Ahulnaja płošča budynka — 45 kvadratnych mietraŭ, płošča ziamielnaha ŭčastka — 0,0172 hiektara.
Ciapier pačatkovaja cana składaje 87 500 rubloŭ. Krok tarhoŭ składaje 4375 rubloŭ. Akramia taho, pakupnik pavinien budzie apłacić aŭkcyjonny zbor u pamiery 5,9% ad cany prodažu, a taksama pakryć vydatki na arhanizacyju i praviadzieńnie tarhoŭ u pamiery 180 rubloŭ.
Razam minimalnaja suma, pa jakoj prybiralnia moža dastacca novamu ŭładalniku, składzie 97 476 rubloŭ. Tarhi pačnucca 18 lutaha ŭ 11:00.
Va ŭžo dalokim 2009 hodzie Minharvykankam vydaŭ TAA «Por-To» dazvoł na rekanstrukcyju budynka pad abjekt hramadskaha charčavańnia z zachavańniem u jaho składzie hramadskaha tualeta, piša Blizko.by.
Vosieńniu 2011 hoda ŚMI paviedamlali, što na miescy prybiralni źbirajucca ŭźvieści dvuchpaviarchovy budynak. Pieršy pavierch pavinna była zajmać ahulnadastupnaja kaviarnia, a druhi — «reśpiektabielny rybny restaran». Abjekt raźličvaŭsia na 300 naviedvalnikaŭ, pobač chacieli arhanizavać stajanku na 50 mašyn. Prybiralnia pry hetym musiła ŭpisacca ŭ novyja abjomy budynka, i karystacca joj zmahli b usie achvotnyja. Nazva restarana praduhledžvałasia jak Porto del Mare, a jaho prajekt raspracoŭvała Tvorčaja majsternia Aleha Varabjova.
Prajekt prachodziŭ burnyja hramadskija abmierkavańni, miascovyja žychary byli suprać (i suprać vysiečki dreŭ, i suprać novaj budoŭli). U vyniku ad idei admovilisia, a za 13 hadoŭ u parku 40-hodździa Kastryčnika ničoha tak i nie źmianiłasia.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3030
Kamientary