Мінскую прыбіральню, з якой хацелі зрабіць рыбны рэстаран, зноў выставілі на таргі
У 2009 годзе ў гэтым будынку хацелі зрабіць рыбны рэстаран, але ў выніку гэтыя намеры не здзейсніліся. У верасні мінулага года закінуты будынак ужо выстаўлялі на аўкцыён, тады за яго хацелі не менш чым 130 800 рублёў. Але ахвотных не знайшлося, і робіцца новая спроба.
Грамадская прабіральня, якая месціцца ў парку 40-годдзя Кастрычніка, па адрасе вул. Чырвонаармейская, 34Б, пабудаваная ў 1986 годзе. Агульная плошча будынка — 45 квадратных метраў, плошча зямельнага ўчастка — 0,0172 гектара.
Цяпер пачатковая цана складае 87 500 рублёў. Крок таргоў складае 4375 рублёў. Акрамя таго, пакупнік павінен будзе аплаціць аўкцыённы збор у памеры 5,9% ад цаны продажу, а таксама пакрыць выдаткі на арганізацыю і правядзенне таргоў у памеры 180 рублёў.
Разам мінімальная сума, па якой прыбіральня можа дастацца новаму ўладальніку, складзе 97 476 рублёў. Таргі пачнуцца 18 лютага ў 11:00.
Ва ўжо далёкім 2009 годзе Мінгарвыканкам выдаў ТАА «Пор-То» дазвол на рэканструкцыю будынка пад аб'ект грамадскага харчавання з захаваннем у яго складзе грамадскага туалета, піша Blizko.by.
Восенню 2011 года СМІ паведамлялі, што на месцы прыбіральні збіраюцца ўзвесці двухпавярховы будынак. Першы паверх павінна была займаць агульнадаступная кавярня, а другі — «рэспектабельны рыбны рэстаран». Аб'ект разлічваўся на 300 наведвальнікаў, побач хацелі арганізаваць стаянку на 50 машын. Прыбіральня пры гэтым мусіла ўпісацца ў новыя аб'ёмы будынка, і карыстацца ёй змаглі б усе ахвотныя. Назва рэстарана прадугледжвалася як Porto del Mare, а яго праект распрацоўвала Творчая майстэрня Алега Вараб'ёва.
Праект праходзіў бурныя грамадскія абмеркаванні, мясцовыя жыхары былі супраць (і супраць высечкі дрэў, і супраць новай будоўлі). У выніку ад ідэі адмовіліся, а за 13 гадоў у парку 40-годдзя Кастрычніка нічога так і не змянілася.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак10
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары