Tramp: Pucin «razburaje Rasiju», nie zaklučajučy z Kijevam pahadnieńnie ab spynieńni vajny
Prezident ZŠA zajaviŭ u paniadziełak, što jaho rasijski kaleha Uładzimir Pucin «zrabiŭ by sabie lepš», kali b skončyŭ vajnu va Ukrainie, dadaŭšy, što Pucin «nie zanadta dobra pačuvajecca», a Rasija straciła miljon sałdat, paviedamlaje «Hołas Amieryki».
«Mnie treba pahavaryć z prezidentam Pucinym, nam treba ŭsio vyśvietlić», — skazaŭ Tramp, razmaŭlajučy z žurnalistami ŭ Avalnym kabiniecie paśla padpisańnia vykanaŭčych ukazaŭ. — Rasija bolšaja [čym Ukraina], u ich bolš sałdat, jakich možna stracić, ale kiravać krainaj takim čynam — heta dziŭna».
Jon taksama zajaviŭ, što choča ŭ chutkim časie sustrecca z rasijskim prezidentam, adnak data hetaj sustrečy pakul nie vyznačana.
«Bolšaść ludziej dumali, što vajna skončycca za adzin tydzień, — skazaŭ Tramp pra vajnu Rasii suprać Ukrainy, jakaja ciahniecca amal try hady. — Ja dumaju, jamu [Pucinu] było b lepš zaviaršyć hetuju vajnu».
Tramp zajaviŭ, što prezident Ukrainy Uładzimir Zialenski choča zaklučyć pahadnieńnie dla zakančeńnia kanfliktu, a Uładzimir Pucin «razburaje Rasiju», nie zaklučajučy pahadnieńnia dla zaviaršeńnia vajny z Ukrainaj.
«Zialenski choča zaklučyć pahadnieńnie. Nie viedaju, ci choča hetaha Pucin. Jon pavinien zaklučyć pahadnieńnie. Ja dumaju, jon razburaje Rasiju, nie zaklučajučy pahadnieńnia», — skazaŭ Tramp. Adkazvajučy na pytańnie pra mahčymaść źniaćcia sankcyj z Rasii, Tramp adznačyŭ, što addaje pieravahu mytam zamiest sankcyj.
Miž tym, Uładzimir Pucin u paniadziełak pavinšavaŭ Donalda Trampa ź pieraabrańniem na druhi termin. Pucin vykazaŭ hatoŭnaść da abmierkavańnia važnych hłabalnych pytańniaŭ, siarod jakich praciahłaja vajna va Ukrainie i pytańni, što tyčacca jadziernaj zbroi.
Ciapier čytajuć
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj16
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary