Hramadstva22

«Uzrovień ahitacyi nijaki». Dziaržaŭnaja słužačaja raskazała pra atmaśfieru napiaredadni vybaraŭ

Žycharka Homielskaj vobłaści, jakaja pracuje ŭ dziaržsiektary, padzialiłasia z vydańniem «Fłahštok» uražańniami pra situacyju napiaredadni vybaraŭ 26 studzienia.

Ilustracyjnaje fota haziety «Śvietłaje žyćcio»

21 studzienia pačynajecca daterminovaje hałasavańnie, a da hetaha čynoŭniki, prapahandysty i praŭładnyja aktyvisty pravodzili ahitacyju, u tym liku ŭ pracoŭnych kalektyvach: pierakonvali pryjści na ŭčastki i zrabić «pravilny vybar».

«U našym vykankamie mierapryjemstvy pravodzilisia drobnyja. Naprykład, rabili niejki schod z padarunkami ŭ čyrvona-zialonaj palitry dla «aktyvistaŭ». Ale astatnija nad imi paśmiajalisia. Takich schodaŭ, jak, naprykład, u 2020-m, kali zhaniali ŭsie struktury na «razmovy z deputatami» i kiraŭnikami roznych viedamstvaŭ, nie było. Usio pakul bieź cisku. Chutčej za ŭsio, pierad samymi «vybarami» ŭsich siłaj pahoniać», — raskazała Ludmiła (imia ŭ metach biaśpieki źmieniena).

U toj ža čas surazmoŭca adznačaje, što ŭłady mohuć i hetaha nie zrabić, uličvajučy «ŭzrovień pafihizmu», jaki charaktaryzuje ciapierašniuju kampaniju:

«Mahčyma, abmiažujucca tolki čutkami, što zvolniać usich, chto nie prahałasuje. Užo zvalniali za apošni «refierendum», tamu dumaju, što ludzi sami strojem pojduć. Ale ŭ cełym uzrovień ahitacyi nijaki. Jany navat i vyhlad sapraŭdnych vybaraŭ imitavać nie imknucca».

Pry hetym farmalnaści vykonvajucca: znajomy surazmoŭcy, siabra ŭčastkovaj kamisii, «kožny dzień tam tyrčyć»:

«Nasamreč śpisy praviarajuć, zaprašeńni pišuć. Mnie pryjšło taksama, i ŭvieś padjezd ludzi imi zakidali. Jašče roznyja płakaty, baniery i inšaje raźviešvali, ale heta navat u vočy nie kidajecca».

Ludmiła padsumavała, što ŭłady «zabili bołt» na ahitacyju, i «ludzi taksama bołt zabili, razumiejučy, što pakul nie čas dla aktyŭnaści».

Pa vynikach kampanii jana čakaje demanstracyi «rekordnych pakazčykaŭ» — praźmierna zavyšanych pracentaŭ tych, chto nibyta prahałasavaŭ za Łukašenku.

Ilustracyjnaje fota haziety «Narodny hołas»

Kamientary2

  • Hańba
    21.01.2025
    Niaŭdziačnyja! I marafon adzinstva im z harmonikam, i Hajdukievič kapjom krucić, i dziemakracičeskaja fiem-kandydatka padjechała, i zmaharskija ordy ź Litvy supynili na dalokich podstupach - a impetu niama.
  • Nu nijaki ŭzrovień
    21.01.2025
    Dziaržsłužačaja frustryruje nakštałt ahitycyi. Dyk pakul jašče daterminovyja "vybary" iduć. Paciarpi, rodnieńkaja, mo na ŭčastku vam pa 50 nalivać buduć.

Ciapier čytajuć

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi6

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Usie naviny →
Usie naviny

U Viciebsku dvuchhadovy chłopčyk upaŭ ź dziasiataha paviercha

Palina z Salihorska nabrała 400 bałaŭ na ekzamienach. Voś kudy jana budzie pastupać7

U Kiraŭsku brat zabiŭ siastru, chočučy abaranić jaje ad mužčyn sa svaich halucynacyj

Na Zasłaŭskim zamku sprabujuć raskryć tajamnicu padziemnaha chodu2

Iran prypyniŭ zdabyču hazu na najbujniejšym u śviecie radoviščy

Paśla raznosu Łukašenki «Biełaruśfilm» biarecca stvarać «liniejku svaich sieryjałaŭ»5

«Heta nie samy pryvabny varyjant». Što dumajuć biełarusy pra ŭviadzieńnie Hruzijaj trochhadovaha DNŽ dla ajcišnikaŭ3

Tramp nie źbirajecca padpisvać zajavu G7 pa pytańni izrailska-iranskaha kanfliktu

Čamu rasijanie addali ŭkraincam cieły zabitych, a tyja — nie?9

bolš čytanych navin
bolš łajkanych navin

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi6

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić