Siamja z Bresta paŭtara hoda kidała ŭ słoik manietki. Jak dumajecie, kolki atrymałasia nazapasić?
Za niekalki dzion da Novaha hoda para z Bresta vyrašyła adkryć słoik, kudy paŭtara hoda kidali maniety ad 50 kapiejek da 2 rubloŭ. Padličvali bahaćcie 20 chvilin.
Svaim hrašovym ekśpierymientam padzialiłasia ŭ tyktoku błohierka Taćciana. Jana raskazała, što ź cikaŭnaści ŭzvažyła sabranyja za 18 miesiacaŭ manietki — atrymałasia, što biez uliku słoika mietaličnyja hrošy važać kala piaci kiłahramaŭ.
Suma sabrałasia davoli prystojnaja — 1413 rubloŭ, ci kala 410 dalaraŭ. Va ŭsialakim vypadku, niebłahaja znachodka napiaredadni doŭhich śviataŭ.
Niechta z kamientataraŭ žartavaŭ: voś kudy padziełasia ŭsia drobiaź, bieź jakoj kasiry ŭ kramach nie mohuć dać reštu. A niechta paličyŭ ekśpierymient biessensoŭnym i raiŭ mužu z žonkaj u nastupny raz źbirać hrošy ŭ dalarach.
Darečy, kali b takaja suma ŭ rublach była ŭ siamji ŭ lipieni 2023 hoda, kali, vierahodna, ekśpierymient pačaŭsia, to ŭ dalarach jany b atrymali sapraŭdy bolš — 463 (tady kurs dalara ŭ Biełarusi byŭ 3,05 rubla).
Anałahičny ekśpierymient užo niekalki hadoŭ pravodzić viadomaja ŭ instahramie doktarka-błohierka. Kožny hod jana z mužam pačynaje z taho, što nabyvaje skarbonku, a potym 365 dzion kidaje tudy maniety naminałam 1 i 2 rubli. Tak, za 2023 hod siamja doktarki sabrała 1033 rubli, za 2024-ty taksama atrymałasia kala tysiačy rubloŭ.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary