U Minsku adbyłasia premjera multfilma, stvoranaha z dapamohaj štučnaha intelektu
Zajaŭlajecca, što jon pieršy ŭ śviecie.
U čaćvier u stalicy padčas zakrytaha pakazu adbyłasia premjera poŭnamietražnaha multfilma «Biełaviežskaja pušča». Jaho stvaryła biełaruskaja studyja Arteki ŭ rekordna karotkija dla takich prajektaŭ terminy, piša Smartpress.by.
«Biełaviežskaja pušča» — heta pryhodnickaja kamiedyja z elemientami fentezi, jakaja raspaviadaje pra siabroŭstva, siamju i siłu pryrody. Film pakazvaje, što navat samyja nievierahodnyja historyi mohuć stać realnaściu, kali ŭ ich vieryć. U multfilmie šmat pryjemnaj muzyki, dabryni i humaru.
Jak adznačyŭ dyrektar studyi Arteki i pradziusar prajekta Aleh Aciakšaŭ, uvieś vizuał multfilma byŭ całkam stvorany štučnym intelektam.
— Zrazumieła, my vykarystoŭvali ručnuju pracu dla mantažu, napisańnia scenaryja i ahučvańnia. Ale ŭvieś vizuał, samaja składanaja častka animacyi, stvorany z dapamohaj niejrasietak, — paviedamiŭ jon.
Ideja dla prajekta źjaviłasia dziakujučy pieśni «Biełaviežskaja pušča», jakaja natchniła adnaho z muzyčnych stvaralnikaŭ filma. Trejler multfilma byŭ stvorany ŭsiaho za 24 hadziny, što padšturchnuła kamandu da stvareńnia poŭnamietražnaj karciny.
Pa słovach Aciakšava, kłasičnaja praca nad poŭnamietražnym multfilmam zvyčajna zajmaje ad 30 miesiacaŭ da 6 hadoŭ. Vykarystańnie ŠI značna skaračaje hety praces. Tak, možna stvaryć anałahičny multfilm pryblizna za paŭhoda.
Multfilm «Biełaviežskaja pušča» byŭ stvorany ŭsiaho za 2,5 miesiacy.
Aciakšaŭ pryznaŭsia, što jaho kamanda vielmi chacieła chutka zajavić pra stvareńnie ŭ Biełarusi pieršaha poŭnamietražnaha multfilma z dapamohaj štučnaha intelektu. I atrymałasia zrabić heta akurat da navahodnich śviataŭ.
Stvaralniki «Biełaviežskaj puščy» płanujuć pakazać svaju rabotu na roznych fiestyvalach, a paśla — vypuścić multfilm u šyroki prakat.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary
https://d2accbiqacj5y8.cloudfront.net/354724