Prezident Azierbajdžana Alijeŭ viartajecca ŭ Baku z Rasii z samitu SND u suviazi z krušeńniem samalota pad Aktau
Spačatku Alijeŭ vykazaŭ spačuvańni svajakam zahinułych u avijakatastrofie, ale potym vyrašyŭ viarnucca ź Pieciarburha ŭ Baku paśla krušeńnia samalota ŭ Kazachstanie. Samit projdzie bieź jaho.
Azierbajdžanski lidar Ilcham Alijeŭ napiaredadni prybyŭ u Rasiju dla ŭdziełu ŭ samicie SND. Ciapier ža jon viartajecca ŭ Baku z Rasii ŭ suviazi z avijakatastrofaj u kazachstanskim Aktau.
Raniej premjer-ministr Armienii Nikoł Pašynian zajaviŭ, što nie voźmie ŭdziełu ŭ niefarmalnym samicie SND u Pieciarburhu praz stanoŭčy test na karanavirus.
Pašynian vykazaŭ spačuvańni ŭ suviazi z krušeńniem azierbajdžanskaha samalota. «Spačuvańni siemjam zahinułych u avijakatastrofie rejsa Baku-Hrozny. Trahiedyja, jakaja spaścihła ludziej, jakija žyvuć svaim paŭsiadzionnym žyćciom, nie moža nie vyklikać smutku», — napisaŭ jon.
Kamientary