Prezident Słavakii Pielehryni: Ukrainie pryjdziecca stracić niekatoryja terytoryi dziela miru
Pieter Pielehryni ličyć, što Maskvie i Kijevu treba siadać za stoł pieramovaŭ, a Ukrainie treba budzie pajści na terytaryjalnyja sastupki dla dasiahnieńnia miru, piša «Jeŭrapiejskaja praŭda».
Pielehryni ŭ prahramie telekanała STVR zajaviŭ, što Ukrainie i Rasii treba «siadać za stoł pieramovaŭ», a taksama, što na ŭsio treba hladzieć «realistyčna».
«Kali havorka idzie pra mir, ja liču, što treba zachoŭvać realizm. Ciapier, vierahodna, nichto ŭ Jeŭropie siarod razvažnych ludziej nie vieryć, što ŭdasca dasiahnuć miru bieź jakich-niebudź častkovych terytaryjalnych strat dla Ukrainy», — vykazaŭsia słavacki prezident.
Pielehryni, paplečnik premjera Robierta Fica, byŭ premjer-ministram u 2018-2020 hadach, a ŭ 2023 hodzie stvaryŭ kaalicyju z papulisckaj jeŭraskieptyčnaj partyjaj Kurs — sacyjalnaja demakratyja (Smer-SD) Fica.
U krasaviku 2024 hoda jon atrymaŭ pieramohu na prezidenckich vybarach suprać praŭkrainskaha eks-kiraŭnika MZS Ivana Karčoka z 53,12% hałasoŭ.
Niadaŭna słavacki premjer-ministar Robert Fica zajaviŭ, što ličyć svaim «asabistym abaviazkam» nieabchodnaść pajechać u Maskvu 9 traŭnia 2025 hodu.
Pierad tym Fica kazaŭ, što chacieŭ by adnavić narmalnyja stasunki z Rasijaj paśla zakančeńnia raźviazanaj joju poŭnamaštabnaj vajny va Ukrainie.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Hety Pahanini cudoŭna sam razumieje, što siońnia spynić supraciŭ rasijskaj ahresii chacia b na paru hadoŭ - heta dać rasii mahčymaść padrychtavać novyja ludskija i techničnyja resursy dla novaha, bolš pradumanaha i žorstkaha nastupu, nie tolki na Ukrainu, ale i na krainy ES, u tym liku na Słavaččynu. U Kijeŭskaj apieracyi ŭ sakaviku 2022 hoda, i paźniej na Charkaŭščynie i Chiersonščynie prafiesijnaja rasijskaja armija była faktyčna źniščanaja. Reštki, jakich padcyravali ŭ lakarniach Naroŭli, Mazyra, Kalenkavičaŭ, Rečycy, pieramałoli paźniej u miasnych šturmach pad Bachmutam dy inšymi rajcentrami Danieckaj vobłaści, jakija jany "brali" pa vosiem miesiacaŭ. Zaraz rasija vajuje vyklučna kolkaściu kiepska padrychtavanych čmobikaŭ i kantraktnikaŭ, jakija pajšli na vajnu zarabić hrošaj i pažadana nie na pieradku. Cyvilizavanajamu śvietu ciapier - samy čas nanieści rasii razburalnuju parazu, kab jana ŭžo nikoli nie mieła navat dumki napadać na susiednija krainy.
Rasija ŭ tym impierskim vyhladzie, jaki jana maje siońnia, pavinna być likvidavanaja. Paniavolenyja narody pavinny skarystacca pravam nacyjanalna-dziaržaŭnaha samavyznačeńnia. U składzie rasii paviny zastacca tolki etnična rasijskija ziemli ŭ składzie niekalkich abłaściej vakoł maskvy.